Дудкін аспрэчвае, што ён агент КДБ: Прычына кампаніі супраць мяне — мая паспяховая дзейнасць
З блытанага каментара экс-лідара БХД можна зрабіць выснову, што зробленая ім заява пра супрацоўніцтва з КДБ была… праверкай сяброў партыі.
Беларускія хрысціянскія дэмакратры пад кіраўніцтвам Георгія Дзмітрука заявілі пра тое, што выявілі крата ўнутры супольнасці — Яўгена Дудкіна. Падчас унутраных разбіральніцтваў выявілася, што Дудкін з’яўляецца даўнім агентам КДБ. Таксама ён нібыта сам пацвердзіў гэты факт цяпер ужо былым аднапартыйцам.
У адказ на гэта палітык даў «Нашай Ніве» каментар, у якім усё аспрэчвае:
«Я не з'яўляюся агентам КДБ. Зараз ідзе мэтанакіраваная кампанія супраць мяне. Прычына — мая паспяховая дзейнасць у партыі».
Ад далейшых каментароў Дудкін адмовіўся.
Падобную заяву ён апублікаваў і ў сябе ў сацсетках: «Ідзе мэтанакіраваная кампанія супраць маёй асобы як вынік праверкі тых людзей, хто вакол мяне. Глядзіце на плады. З Богам!»
А калі ў яго ўдакладнілі, ці прызнаваўся ён аднапартыйцам у супрацоўніцтве з КДБ, Дудкін адказаў, што «гэта была праверка сябры партыі» (дакладная цытата — НН).
***
Яўген Дудкін — 36-гадовы палітычны дзеяч у эміграцыі. З Беларусі ён, настаўнік па адукацыі і рэгіянальны актывіст па жыцці, з’ехаў яшчэ ў 2018-м, асеў у Польшчы як эканамічны мігрант. Апошнім часам ён з’яўляўся кіраўніком фонду «Беларуская хрысціянская дэмакратыя» (Białoruska Chrześcijańska Demokracja.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»12
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары