Толькі 294 супрацоўнікі агенцтва захаваюць свае працоўныя месцы.
Адміністрацыя прэзідэнта Дональда Трампа плануе скараціць штат Агенцтва ЗША па міжнародным развіцці (USAID), што аказвае замежную дапамогу, у дзясяткі разоў — захаваўшы менш як 300 супрацоўнікаў з больш чым 10 000 па ўсім свеце. Пра гэта піша Reuters са спасылкай на свае крыніцы.
Так, суразмоўцы агенцтва паведамілі, што толькі 294 супрацоўнікі USAID захаваюць свае працоўныя месцы, у тым ліку толькі 12 у афрыканскім бюро і восем у азіяцкім. Як адзначаюць чыноўнікі, у некаторых місіях застанецца толькі адзін супрацоўнік.
Крыніцы, знаёмыя з сітуацыяй у агенцтве, паведамілі Reuters, што некаторыя супрацоўнікі ўжо пачалі атрымліваць паведамленні аб звальненні. На сайце USAID гаворыцца, што з поўначы пятніцы, 7 лютага, «увесь персанал USAID, які працуе па прамым найме, будзе адпраўлены ў адміністрацыйны адпачынак ва ўсім свеце, за выключэннем работнікаў, якія адказваюць за крытычна важныя функцыі, асноўнае кіраўніцтва і спецыяльна распрацаваныя праграмы».
Тым часам, як паведамляе CNN, дзве прафсаюзныя арганізацыі, якія прадстаўляюць супрацоўнікаў Агенцтва ЗША па міжнародным развіцці (USAID), падалі ў суд на Трампа за яго спробы расфарміраваць агенцтва. Пазоў таксама накіраваны супраць замарожвання адміністрацыяй амаль усёй замежнай дапамогі, што прывяло да спынення крытычна важнай гуманітарнай работы па ўсім свеце.
Цяпер чытаюць
Біёлаг Сяргей Шэлег, якога асудзілі на 8,5 года за данаты, пасля раптоўнага вызвалення марыць і далей дапамагаць беларусам. Яго філасофія натхняе4
Каментары
Тое ж і зь міністэрствамі цемрашальства, не ліквідуе, злачыннае FDA не разжане. Паслухайце касандрычнае прароцтва Акабчыка Маленькага