Tolki 294 supracoŭniki ahienctva zachavajuć svaje pracoŭnyja miescy.
Administracyja prezidenta Donalda Trampa płanuje skaracić štat Ahienctva ZŠA pa mižnarodnym raźvićci (USAID), što akazvaje zamiežnuju dapamohu, u dziasiatki razoŭ — zachavaŭšy mienš jak 300 supracoŭnikaŭ z bolš čym 10 000 pa ŭsim śviecie. Pra heta piša Reuters sa spasyłkaj na svaje krynicy.
Tak, surazmoŭcy ahienctva paviedamili, što tolki 294 supracoŭniki USAID zachavajuć svaje pracoŭnyja miescy, u tym liku tolki 12 u afrykanskim biuro i vosiem u azijackim. Jak adznačajuć čynoŭniki, u niekatorych misijach zastaniecca tolki adzin supracoŭnik.
Krynicy, znajomyja ź situacyjaj u ahienctvie, paviedamili Reuters, što niekatoryja supracoŭniki ŭžo pačali atrymlivać paviedamleńni ab zvalnieńni. Na sajcie USAID havorycca, što z poŭnačy piatnicy, 7 lutaha, «uvieś piersanał USAID, jaki pracuje pa pramym najmie, budzie adpraŭleny ŭ administracyjny adpačynak va ŭsim śviecie, za vyklučeńniem rabotnikaŭ, jakija adkazvajuć za krytyčna važnyja funkcyi, asnoŭnaje kiraŭnictva i śpiecyjalna raspracavanyja prahramy».
Tym časam, jak paviedamlaje CNN, dźvie prafsajuznyja arhanizacyi, jakija pradstaŭlajuć supracoŭnikaŭ Ahienctva ZŠA pa mižnarodnym raźvićci (USAID), padali ŭ sud na Trampa za jaho sproby rasfarmiravać ahienctva. Pazoŭ taksama nakiravany suprać zamarožvańnia administracyjaj amal usioj zamiežnaj dapamohi, što pryviało da spynieńnia krytyčna važnaj humanitarnaj raboty pa ŭsim śviecie.
«Nieviadoma, kali my atrymajem nastupny zarobak». Jak prypynieńnie padtrymki ad ZŠA paŭpłyvała na biełaruskija ŚMI i NDA
Dziaržsakratar ZŠA Marka Rubia abjaviŭ siabie vykanaŭcam abaviazkaŭ dyrektara USAID
Ci varta biełaruskim niezaležnym miedyja brać hrošy ŭ Chadarkoŭskaha? Adkazvajuć Knyrovič, Stryžak i Paŭlučenka
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Toje ž i ź ministerstvami ciemrašalstva, nie likviduje, złačynnaje FDA nie razžanie. Pasłuchajcie kasandryčnaje praroctva Akabčyka Maleńkaha