Аўстралія з’яўляецца найлепшай у рэйтынгу краін, якія найлепей пасуюць для таго, каб ствараць сям’ю і гадаваць дзяцей, паведамляе Daily Mail.
Паводле звестак даследавання, замоўленых банкам HSBC, горшай для гэтых мэтаў краінай з’яўляецца Брытанія.
Былі апытаныя больш за тры тысячы замежных грамадзян 50 нацыянальнасцей, якія пражываюць у шасці краінах — у Аўстраліі, Сінгапуры, Ганконгу, ЗША, ААЭ і ў Брытаніі.
На думку 78% апытаных, у Брытаніі дзеці больш часу праводзяць перад тэлевізарам і гуляюць у відэагульні.
Акрамя таго, у Брытаніі складаней уладкаваць дзіця ў школу і наймаць няню. Таксама 48% апытаных лічаць, што іх сямейнае жыццё пагоршылася пасля пераезду ў Брытанію і толькі 16% адзначылі паляпшэнне.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары