Брытанскія кампаніі масава пераходзяць на чатырохдзёнку без страты заробку
200 кампаній у Вялікабрытаніі перайшлі на чатырохдзённы працоўны тыдзень на пастаяннай аснове, захоўваючы пры гэтым поўны заробак для сваіх супрацоўнікаў. У гэтых кампаніях працуе больш за 5 тысяч чалавек, піша Devby.io.
Выданне The Independent паведамляе, што такі графік працы выбіраюць некамерцыйныя арганізацыі і тэхналагічныя кампаніі, а таксама фірмы з крэатыўных галін, машынабудаванне, рэкрутынг і кіраванне персаналам, бухгалтэрыя, банкі, фінансы, гандаль і будаўніцтва.
Прыхільнікі чатырохдзённага працоўнага тыдня сцвярджаюць, што пяцідзённы працоўны тыдзень састарэў. На думку кіраўніка кампаніі фонду чатырохдзённага працоўнага тыдня (4 Day Week Foundation) Джо Райла, чатырохдзённы працоўны тыдзень з павелічэннем вольнага часу на 50% дае людзям магчымасць весці больш шчаслівае і паўнавартаснае жыццё.
Паводле апытання, каля 6% працаўнікоў на поўную стаўку ў Вялікабрытаніі ўжо працуюць па новым графіку чатыры разы на тыдзень. 58% насельніцтва лічаць, што трохдзённыя выходныя стануць «нармальным фарматам працы» ў 2030 годзе, і толькі 22% не вераць у гэта. Фонд чатырохдзённага працоўнага тыдня плануе правесці як мінімум тры новыя пілотныя праекты па ўкараненні чатырохдзённага тыдня ў 2025 годзе.
Нягледзячы на ўсё большую папулярнасць, гэты культурны зрух выклікае спрэчкі. Кансерватары папярэджваюць, што такая практыка запаволіць эканамічны рост. Згодна з заканадаўствам, супрацоўнікі маюць права запытаць гнуткі графік працы, але працадаўцы не абавязаныя згаджацца на гэта. Урад таксама заявіў, што ў яго «няма планаў» абавязваць кампаніі пераходзіць на чатырохдзённы працоўны тыдзень.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары