Нарышкін заявіў, што Расія «блізкая да дасягнення мэт СВА ва Украіне», каб не адбылося «знясілення»
Расія блізкая да дасягнення мэт спецаперацыі (так у Расіі называюць вайну з Украінай — НН), заявіў дырэктар Службы замежнай разведкі Расіі (СВР) Сяргей Нарышкін у прапагандысцкім інтэрв'ю расійскаму часопісу «Разведчык».
«На фронце сітуацыя не на карысць Кіева», — заявіў Нарышкін.
«Стратэгічная ініцыятыва на ўсіх участках належыць нам, мы блізкія да дасягнення пастаўленых мэт, тады як УСУ знаходзяцца на мяжы развалу», — дадаў дырэктар СВР.
Нарышкін у традыцыйных наратывах расійскай прапаганды заявіў, што Захад хоча заваяваць постсавецкую прастору.
«Захад паставіў перад сабой амбіцыйную мэту разарваць не толькі эканамічныя, палітычныя, але і глыбінныя гістарычныя і гуманітарныя сувязі паміж нашымі краінамі. Такі падыход выцякае з вядомай максімы англасаксаў «Хто кіруе Еўразіяй, той валодае светам». Хоць «кіраваць» для іх азначае «падзяляць», «сеяць хаос», а потым прапаноўваць сябе абяскроўленым народам у якасці «бесстаронніх гарантаў бяспекі». Як гэта адбываецца — добра відаць на ўкраінскім прыкладзе», — зрабіў выснову дырэктар СВР.
У гэтым антызаходнім інтэрв'ю Нарышкін намякнуў, што Расія хутка можа пайсці на замірэнне, каб не адбылося «знясілення».
«Стратэгічны разлік Захаду ва ўкраінскім крызісе вельмі ясны: навязаць нам зацяжную барацьбу на знясіленне ў мэтах расколу расійскага грамадства і стварэння ўмоў для «каляровай рэвалюцыі». Ваяваць будуць, што называецца, «да апошняга ўкраінца», а калі іх не застанецца, на барацьбу са «страшным рускім мядзведзем» прымусяць выйсці прыбалтаў, усходнееўрапейцаў, а ў перспектыве — і немцаў», — называе будучых ворагаў Нарышкін.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь71
Каментары
Наглухо,намертво отбитые,реально абсолютно чуждая форма жизни. Он ноет про какие-то культурные и духовные связи—какие связи с тобой,орк? Ты ж с другой планеты!
Это,чтоб ни у кого не было иллюзий относительно недорейха с недокарфагеном