Кэралайн Левіт стане адной з самых маладых супрацоўніц Белага дома, заняўшы ключавую пасаду ў працы са СМІ.
Абраны прэзідэнт Дональд Трамп абвясціў у пятніцу, што 27-гадовая прэс-сакратар яго выбарчай кампаніі Кэралайн Левіт будзе працаваць прэс-сакратаром Белага дома, піша Голас Амерыкі.
Левіт «разумная і даказала, што з'яўляецца высокаэфектыўным камунікатарам. Я абсалютна ўпэўнены, што яна будзе паспяхова працаваць на трыбуне і дапаможа данесці нашу інфармацыю да амерыканскага народа», — сказаў Трамп у сваёй заяве.
Левіт стане адной з самых маладых супрацоўніц Белага дома, заняўшы ключавую пасаду ў працы са СМІ. Яна працавала нацыянальным прэс-сакратаром Трампа падчас яго выбарчай кампаніі. У ліпені Кэралайн Левіт нарадзіла першае дзіця. Пра гэта яна расказала ў падкасце Fox News, апублікаваным у пятніцу.
У 2022 годзе яна безвынікова балатавалася на месца ў Палаце прадстаўнікоў ад свайго роднага штата Нью-Гэмпшыр. Яна таксама працавала дырэктарам па камунікацыях кангрэсвумен Эліз Стэфанік, якую Трамп вылучыў на пасаду пасла ў ААН.
«Я вырасла не ў палітычнай сям'і. Я вырасла, як і большасць амерыканцаў, у сям'і прадпрымальнікаў сярэдняга класа тут, у маім родным штаты Нью-Гэмпшыр», — сказала яна ў падкасце Fox News. — «Я проста акунулася ў палітыку ў сваім каледжы, каледжы Святога Ансельма ў Манчэстэры (Нью-Гэмпшыр)».
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары