ЦВК Беларусі прыняў дакументы аб рэгістрацыі ініцыятыўнай групы грамадзян па зборы подпісаў выбаршчыкаў у падтрымку вылучэння Сяргея Бобрыкава.
Сяргей Бобрыкаў — былы кіраўнік Вайсковай акадэміі, сёння — старшыня Беларускага саюза афіцэраў.
Ён нарадзіўся 15 красавіка 1962 года ў Лепелі. Скончыў Каломенскае вышэйшае артылерыйскае каманднае вучылішча(1983), Вайсковую артылерыйскую акадэмію імя Калініна (1993) і Вайсковую акадэмію Генеральнага штаба Расіі (2005).
Бобрыкаў сярод іншага быў намеснікам начальніка Галоўнага штаба сухапутных войскаў, начальнікам 72-га гвардзейскага аб'яднанага навучальнага цэнтра падрыхтоўкі прапаршчыкаў і малодшых спецыялістаў у Печах. Восем гадоў быў начальнікам Вайсковай акадэміі.
Жыве ў Смалявіцкім раёне. Жанаты, мае сына і дачку. Апошняя пайшла па слядах бацькі — у вайсковую сферу.
Такім чынам дакументы на рэгістрацыю ініцыятыўных груп па зборы подпісаў падалі групы Аляксандра Лукашэнкі, кіраўніка Ліберальна-дэмакратычнай партыі Алега Гайдукевіча, старшыні Беларускай партыі працы і справядлівасці Аляксандра Хіжняка, галоўнага ідэолага Мінска, ад Беларускага саюза жанчын Вольгі Чамаданавай, экс-дэпутата Ганны Канапацкай.
У аўторак на сваім пасяджэнні ЦВК адхіліў заяўкі Аляксандра Драздова і Юрыя Губарэвіча.
Апошні дзень падачы заявак — заўтра.
З 7 лістапада стартуе збор подпісаў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары