Сталі вядомыя імёны яшчэ 10 памілаваных палітвязняў. Учора было вядома пра пяць чалавек.
Сярод іх:
- Аляксандр Емяльянаў
- Ігар Барысаў
- Аляксандр Пастэрняк (Пасцерняк)
- Уладзіслаў Папоў
- Аляксандр Жандараў
- Сяргей Мацюхевіч
- Яўген Нарэйка
- Андрэй Астрацоў
- Віталь Чарнавусаў
- Зоя Баранава.
Аляксандр Емяльянаў быў затрыманы 10 кастрычніка 2022 года. Яму былі выстаўленыя абвінавачванні: арт. 368 (абраза Лукашэнкі) і арт. 130 Крымінальнага кодэкса (распальванне варожасці ці варажнечы). Вынік суда: 3 гады
Ігар Барысаў быў затрыманы ў красавіку 2023 года і абвінавачаны па чатырох артыкулах, прысуд быў невядомы.
Аляксандра Пасцернака затрымалі ў маі 2023 года і абвінавацілі па ч. 1 арт. 293 (арганізацыя масавых беспарадкаў) і арт. 361-(садзейнічанне экстрэмісцкай дзейнасці), вынік суда таксама быў невядомы.
Уладзіслаў Папоў быў затрыманы ў студзені 2023 года, па артыкуле ч. 1 арт. 293 Крымінальнага кодэкса (садзейнічанне экстрэмісцкай дзейнасці) быў асуджаны да двух гадоў калоніі)
Аляксандр Жандараў (Жандораў) быў асуджаны па арт. 130 (распальванне варожасці) — вынік невядомы.
Сяргей Мацюхевіч (яго затрымалі ў жніўні 2022 года) па тым жа артыкуле быў асуджаны на тры гады.
Яўген Нарэйка быў затрыманы 20 студзеня 2022 года. Абвінавачванні: арт. 342 (арганізацыя і падрыхтоўка дзеянняў, што груба парушаюць грамадскі парадак), арт. 366 (гвалт альбо пагроза ў дачыненні да службовай асобы, якая выконвае службовыя абавязкі…), арт. 130 (распальванне варожасці ці варажнечы) — асуджаны на чатыры гады.
Андрэй Астрацоў быў затрыманы 7 верасня 2021 года. Абвінавачванні: арт. 364 (гвалт альбо пагроза ўжывання гвалту ў дачыненні да супрацоўніка органаў унутраных спраў), арт. 369 (абраза прадстаўніка ўлады), арт. 368 (абраза Лукашэнкі), арт. 366 (гвалт альбо пагроза ў дачыненні да службовай асобы….) —асуджаны на чатыры гады)
Віталь Чарнавусаў быў затрыманы 25 ліпеня 2022 года, быў абвінавачаны па арт. 361-2 (фінансаванне дзейнасці экстрэмісцкага фармавання), асуджаны на пяць гадоў.
Зою Баранаву асудзілі па артыкулах 368 і 369 (абраза Лукашэнкі і абраза прадстаўніка ўлады)
Нагадаем, што ўчора стала вядома пра памілаванне 37 чалавек і былі названыя першыя пяць прозвішчаў: гэта Аляксандр Фікаў, Таццяна Біруля, Анжэла Сікорская, Міхаіл Корзун, Кацярына Джыг.
-
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы
-
Рагачоўскага актывіста Дзяніса Дашкевіча абвінавачваюць у падрыхтоўцы замаху на дзяцей Ціханоўскай
-
Лукашэнка, разважаючы пра дысцыпліну, увярнуў фразу па-беларуску
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы18
Каментары