Stali viadomyja imiony jašče 10 pamiłavanych palitviaźniaŭ. Učora było viadoma pra piać čałaviek.
Siarod ich:
- Alaksandr Jemialjanaŭ
- Ihar Barysaŭ
- Alaksandr Pasterniak (Paścierniak)
- Uładzisłaŭ Papoŭ
- Alaksandr Žandaraŭ
- Siarhiej Maciuchievič
- Jaŭhien Narejka
- Andrej Astracoŭ
- Vital Čarnavusaŭ
- Zoja Baranava.
Alaksandr Jemialjanaŭ byŭ zatrymany 10 kastryčnika 2022 hoda. Jamu byli vystaŭlenyja abvinavačvańni: art. 368 (abraza Łukašenki) i art. 130 Kryminalnaha kodeksa (raspalvańnie varožaści ci varažniečy). Vynik suda: 3 hady
Ihar Barysaŭ byŭ zatrymany ŭ krasaviku 2023 hoda i abvinavačany pa čatyroch artykułach, prysud byŭ nieviadomy.
Alaksandra Paściernaka zatrymali ŭ mai 2023 hoda i abvinavacili pa č. 1 art. 293 (arhanizacyja masavych biesparadkaŭ) i art. 361-(sadziejničańnie ekstremisckaj dziejnaści), vynik suda taksama byŭ nieviadomy.
Uładzisłaŭ Papoŭ byŭ zatrymany ŭ studzieni 2023 hoda, pa artykule č. 1 art. 293 Kryminalnaha kodeksa (sadziejničańnie ekstremisckaj dziejnaści) byŭ asudžany da dvuch hadoŭ kałonii)
Alaksandr Žandaraŭ (Žandoraŭ) byŭ asudžany pa art. 130 (raspalvańnie varožaści) — vynik nieviadomy.
Siarhiej Maciuchievič (jaho zatrymali ŭ žniŭni 2022 hoda) pa tym ža artykule byŭ asudžany na try hady.
Jaŭhien Narejka byŭ zatrymany 20 studzienia 2022 hoda. Abvinavačvańni: art. 342 (arhanizacyja i padrychtoŭka dziejańniaŭ, što hruba parušajuć hramadski paradak), art. 366 (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki…), art. 130 (raspalvańnie varožaści ci varažniečy) — asudžany na čatyry hady.
Andrej Astracoŭ byŭ zatrymany 7 vieraśnia 2021 hoda. Abvinavačvańni: art. 364 (hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ), art. 369 (abraza pradstaŭnika ŭłady), art. 368 (abraza Łukašenki), art. 366 (hvałt albo pahroza ŭ dačynieńni da słužbovaj asoby….) —asudžany na čatyry hady)
Vital Čarnavusaŭ byŭ zatrymany 25 lipienia 2022 hoda, byŭ abvinavačany pa art. 361-2 (finansavańnie dziejnaści ekstremisckaha farmavańnia), asudžany na piać hadoŭ.
Zoju Baranavu asudzili pa artykułach 368 i 369 (abraza Łukašenki i abraza pradstaŭnika ŭłady)
Nahadajem, što ŭčora stała viadoma pra pamiłavańnie 37 čałaviek i byli nazvanyja pieršyja piać proźviščaŭ: heta Alaksandr Fikaŭ, Taćciana Birula, Anžeła Sikorskaja, Michaił Korzun, Kaciaryna Džyh.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary