Навукоўцы з Акадэміі навук заклікалі беларусаў ісці проста да іх, калі недзе вывудзяць адну рыбіну
У лабараторыі іхтыялогіі Навукова-практычнага цэнтра па біярэсурсах Нацыянальнай акадэміі навук (НАН) заклікалі беларускіх рыбакоў звяртацца ва ўстанову ў выпадку, калі ім трапіцца сонечны акунь, і прынесці ім жывую ці замарожаную рыбіну, піша Telegraf.news.
У пачатку чэрвеня рыбак з Мінска паведаміў, што злавіў на ізаляваным дзікім вадаёме ў Дзятлаўскім раёне сонечнага акуня. Але самой рыбіны жыўцом навукоўцы самі не бачылі.
«Для таго, каб мы сцвярджалі, што сонечны акунь засяліў нейкі вадаём у Беларусі, нам патрэбны ваўчар, гэта самая рыбка, якую вылавілі. А то паказваюць фатаграфіі ў сацсетках, а рыба дзе?» — сказала загадчыца лабараторыі Алена Гайдучэнка ў праграме тэлеканала «Беларусь 1».
Таму яна папрасіла рыбакоў у выпадку, калі ім трапіцца сонечны акунь, тэлефанаваць альбо пісаць у лабараторыю, але не смажыць і не выпускаць рыбу.
«Для пацверджання патрэбная рыбка. У ідэале — жывая, у крайнім выпадку — замарожаная», — адзначыла Гайдучэнка.
Яна таксама расказала, што спачатку сонечнага акуня прывезлі ў Беларусь як рыбу для акварыума.
«Потым камусьці прыйшло ў галаву адпусціць рыбку на волю, а яна ўзяла і прыжылася», — адзначыла прадстаўніца НАН.
Сонечны акунь родам з Паўночнай Амерыкі. Упершыню на еўрапейскім кантыненце ён з'явіўся ў 1877 годзе. Дзякуючы добра развітай здольнасці адаптавацца да новых умоў пражывання сонечны акунь паспяхова рассяліўся па вадаёмах Еўропы.
У Беларусі гэты від рыбы адносіцца да інвазіўных (непажаданых), бо складае харчовую канкурэнцыю для прадстаўнікоў мясцовай іхтыяфаўны, знішчаючы пры гэтым іх ікру. Акрамя таго, гэтыя рыбы ядуць малюскаў і рыбных малянят.
Сонечныя акуні хутка размножваюцца і паступова выцясняюць са спрадвечных месцаў пражывання звычайнага рачнога акуня. Дарэчы, сонечнага акуня можна ўжываць у ежу людзям.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары