Расія абмяркоўвае з Іранам магчымасць заключэння доўгатэрміновага кантракту на пастаўкі трубаправоднага газу, паведаміў міністр энергетыкі Ірана Джавад Аўджы.
Паводле слоў іранскага міністра, гаворка ідзе пра закупкі ў «Газпрама» 300 млн кубаметраў у дзень, якія абыдуцца Тэгерану ў $10-12 млрд у год.
Як адзначае «Коммерсантъ», кошт газу, такім чынам, складзе каля $100 за тысячу кубаметраў. І гэта стане самым нізкім узроўнем сярод усіх кліентаў «Газпрама» па-за межамі былога СССР. У параўнанні з Еўропай і Турцыяй — усё яшчэ галоўнымі экспартнымі рынкамі «Газпрама» — зніжка складзе 75%: на еўрапейскі і турэцкі рынак, паводле ацэнак брокерскай кампаніі БКС, расійскі газ прадаецца ў сярэднім па $400 за тысячу кубоў.
У параўнанні з Кітаем, які закупляе газ па $260 за тысячу кубаметраў у рамках паставак па трубаправодзе «Сіла Сібіры», кошт для Ірана будзе ніжэйшы на 62%.
Як вынікае са слоў Джавада Аўджы, фактычна абмяркоўваецца кошт газу, роўны таму, які плацяць краіны СНД ($100 за тысячу кубаметраў). Пры гэтым аб'ёмы паставак, калі верыць іранскаму міністру, павінны зрабіць Тэгеран найбуйнейшым газавым кліентам Расіі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць33
Каментары
Гэта ж жэстачайшее кидавала!
Валодзя, мы же с тобой в одних окопах гнили! И сейчас я прикрываю твой тыл от наты. Я ж русский со знакам качэства! И как теперь прикажешь мне мышковать?
Валодзя, мы ж с тобой пракцически родственники: мой Умка - это внучатый племянник твоей лабрадорши Кони, которой ты в 2007 году до смерти напугал Меркель.
Верни газ па 45 баксау, иначе меня заменит белополяк Рыжанкоу!