Грамадства77

Якую маёмасць мае топ-менеджар Белчыгункі Пётр Дулуб, у тайніках якога знайшлі $3 мільёны

Былы намеснік кіраўніка Белчыгункі цяпер пад вартай. «Ён вёў аскетычны лад жыцця на ўзроўні ніжэй за сярэдні», — казалі па дзяржТБ.

Пётр Дулуб. Фота: rw.by

Хабары Дулуб браў цягам некалькіх гадоў, паведаміла МУС. У схованках кватэры і загараднага дома топ-менеджара чыгункі знайшлі больш за 3 мільёны даляраў. Дзяржаўныя медыя падкрэсліваюць, што ён браў рэкордныя для нашай краіны хабары, але жыў сціпла. 

«Хабары браў гадамі і іх наогул не траціў. Ёсць загарадны дом, але ў асноўным жыў у просценькай кватэры, дзе вывальваюцца разеткі, ездзіў на недарагой патрыманай машыне і вёў аскетычны лад жыцця на ўзроўні ніжэй за сярэдні», — казалі ў сюжэце АНТ.

Якой жа маёмасцю валодае Дулуб?

Згодна з базамі «Белпол» (інфармацыя ў іх прыведзена на 2021 год), у яго ўласнасці ёсць амаль 100-метровая трохпакаёўка ў Мінску, на вуліцы Варанянскага, побач са станцыяй метро «Кавальская слабада». Кватэру Дулуб купіў у 2018-м. Трохпакаёўкі ў гэтым жа доме цяпер прадаюць па 600 тысяч рублёў, кватэры такога ж метражу побач — каля 450 тысяч.

Дом на вуліцы Варанянскага, дзе мае кватэру Дулуб. Фота: «Яндэкс Панарама»

Ёсць кватэра і ў жонкі Дулуба, таксама трохпакаёвая, плошчай 95 метраў. Знаходзіцца яна таксама па вуліцы Варанянскага, за ёй замацаванае машынамесца. Жонка валодае кватэрай з 2008-га, дом тады быў зусім свежы. Рынкавы кошт кватэры прыкладна такі ж самы.

У зводках МУС згадвалася, што ў сям'і Дулубаў таксама ёсць загарадны дом.

Пятру Дулубу 46 гадоў. У 1999-м ён скончыў гомельскі Беларускі дзяржаўны ўніверсітэт транспарту па спецыяльнасці «Арганізацыя руху і кіраванне на транспарце». Па размеркаванні пайшоў працаваць дзяжурным на станцыі Мінск-Сартыравальны. З 2002-га працаваў ва ўпраўленні Беларускай чыгункі, дзе даслужыўся да кіраўніка службы перавозак.

У 2019-м Дулуба ўзнагародзілі знакам «Ганаровы чыгуначнік». А ў сакавіку 2021-га яго прызначылі першым намеснікам начальніка Беларускай чыгункі.

Дулуб жанаты, мае двах сыноў, адзін з якіх яшчэ непаўнагадовы.

Пра затрыманне мужчыны першай паведаміла «Супольнасць чыгуначнікаў Беларусі». Тады казалася, што ён затрыманы 18 мая, сума хабару называлася ў мільён даляраў, але па выніку аказалася ўтрая большай.

«Наша Нiва» — бастыён беларушчыны

ПАДТРЫМАЦЬ

Каментары7

  • даведка
    19.06.2024
    Белорусский государственный университет транспорта одна из кузниц руководящих кадров КГБ, который ничего такого подозрительного упорно не замечал... Брал себе подпольный миллионер в руководстве Белорусской железной дороги годами взятки чемоданами, прятал их в тайниках, из этих миллионов на себя, жену и любовниц не потратил ни одной копейки, а кто давал, за что давал... Нам знать не положено. Но могу заметить, что был подобрал ответственный человек на роль держателя общака. Вот кого надо было в резерв на министра финансов, а не Марата Маркова.
  • даведка
    19.06.2024
    Пропаганда упорно преподносит его, как скрягу, который всё прятал по тайникам, не тратил ни на себя, ни на жену, ни на любовниц, по курортам не ездил, дорогих ремонтов не делал, загородный дом оформлен на тёщу, на жену только машина, жил в развалившейся квартире, покошенное окна которой якобы даже показал в понедельник у себя в программе Игорь Тур, из-за чего некоторая часть валюты даже успела покрыться плесенью... Вот только у человека официальный доход позволял жить припеваючи и ни в чём себя не ограничивать. Я не верю во взяточника-одиночку или подпольного миллионера из Ильфа и Петрова, который боялся тратить деньги, которые явно принадлежали не ему одному, потому что столь щепетильный человек, судя по его описанию, просто идеальный кандидат на роль держателя общака.
  • Пытанне
    19.06.2024
    Якія ж там хаты ў прапагандыстаў, калі нерухомасць гэтага карупцыянера для іх "просценькае жытло"?
    Можа ў іх таксама мільёны ў схованках прыхаваныя?

Цяпер чытаюць

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Усе навіны →
Усе навіны

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары28

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

Апеляцыйны суд у ЗША стаў на бок Трампа ў пытанні тарыфаў

«400 зорак у п***у». Махляры надурылі школьнікаў, прадаючы ім няправільныя адказы да ЦТ і ЦЭ4

больш чытаных навін
больш лайканых навін

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Галоўнае
Усе навіны →

Заўвага:

 

 

 

 

Закрыць Паведаміць