Нікол Пашынян сказаў, што нейкія дзве краіны АДКБ дапамагалі ў карабахскім канфлікце Азербайджану
Прэм'ер-міністр Арменіі Нікол Пашынян заявіў, што яму вядома пра дзве краіны, якія ўваходзяць у арганізацыю Дамовы аб калектыўнай бяспецы (АДКБ), але аказвалі падчас ваенных дзеянняў у Нагорным Карабаху ў 2020 годзе падтрымку Азербайджану.
Якія канкрэтна краіны дапамагалі Азербайджану ў 2020 годзе, спадар Пашынян не ўдакладніў. Увогуле ў АДКБ уваходзяць Расія, Беларусь, Казахстан, Арменія, Кыргызстан, Узбекістан і Таджыкістан.
«Прэзідэнт Беларусі сказаў тое, што яны спрабавалі сказаць Арменіі вось ужо чатыры гады. У падрыхтоўцы да 44-дзённай вайны 2020 года не з нашага боку ўдзельнічалі нашы саюзнікі. Я ведаю як мінімум дзве краіны АДКБ, якія ўдзельнічалі ў падрыхтоўцы вайны супраць нас. Гэтыя краіны стварылі імітацыю таго, што хочуць нам дапамагчы, або яны нібыта нам дапамаглі»,— сказаў Пашынян падчас выступлення ў армянскім парламенце, паведамляе News.am.
Якія менавіта словы Лукашэнкі пракаментаваў у сваім выступе Нікол Пашынян, выданне не ўдакладняе.
Пашынян не застаўся на Парад Перамогі ў Маскве і ноччу пасля сустрэчы з Пуціным паляцеў дадому
Беларускія дзяржаўныя СМІ не называюць Карабах Карабахам
Мінск і Баку сталі гарадамі-пабрацімамі. У Гродна і Гомеля таксама з'явіліся партнёры ў Азербайджане
Лукашэнка хоча забудаваць Нагорны Карабах аграгарадкамі
Арменія саступіць некалькі вёсак Азербайджану, каб прадухіліць новую вайну
Каментары