У рэпартажы БТ паказалі кадры з учарашняй працоўнай паездкі Аляксандра Лукашэнкі ў Касцюковіцкі раён. Той прыехаў на поле ацаніць, як працуе сельгастэхніка.
«А дзе міністр? Ну, шукай зерне. Ці ты ўжо забыў?» — сказаў Лукашэнка, паказваючы на зямлю.
«Ну, што ж я забыў?» — міністр сельскай гаспадаркі Сяргей Барташ у касцюме выбег наперад, прысеў і стаў рукой адкопваць зямлю.
Паралельна Лукашэнка павучаў яго, ці не забыў той, на якой глыбіні павінна саджацца зерне. Іншыя чыноўнікі схіліліся над міністрам, нібы інспектуючы і канспектуючы ў памяці.
Пасля гэтага Барташ пахваліў айчынную сеялку, якая працуе на полі, а іншы функцыянер закідаў граду зямлёй і прыгладзіў яе.
Пракуратура пра смерць Мелказёрава: журналіст меў хранічную хваробу17
Каментары