Эканоміка11

Беларуская нафтаперапрацоўка нясе вялізныя страты

Некалі самы прыбытковы Мазырскі НПЗ цягне эканоміку на дно. Такую выснову можна зрабіць з апублікаваных 29 красавіка звестак Белстата аб фінансавых паказчыках асобных раёнаў Беларусі па выніках першых двух месяцаў 2024 года, заўважыў «Флагшток».

Мазырскі НПЗ. Фота: сайт прадпрыемства 

Чыстыя страты прадпрыемстваў Мазырскага раёна за студзень-люты 2024 года склалі 182,8 млн рублёў. У мінулым годзе за такі ж перыяд тут быў атрыманы чысты прыбытак у памеры 21,6 млн рублёў. Удзельная вага стратных арганізацый раёна складае ўсяго 14,3 працэнта, у сувязі з чым вялізныя страты можна звязаць з найбольш буйным прадпрыемствам раёна — Мазырскім НПЗ. 

Паводле інфармацыі крыніцы, звязанай з МНПЗ, першыя месяцы 2024 года дзейнасць завода прынесла страты. Для працаўнікоў прадпрыемства былі прыпыненыя выплаты, якія рэгуляваліся калектыўнай дамовай, паколькі яны выплачваліся з прыбытку прадпрыемства. 

Пра тое, што гэта не адзінкавы выпадак, а агульная сітуацыя ў беларускай нафтаперапрацоўцы, сведчаць фінансавая статыстыка Наваполацка, дзе размешчаны іншы беларускі нафтаперапрацоўшчык «Нафтан». Тут чыстыя страты яшчэ большыя — 324,5 млн рублёў. 

Праблемы нафтаперапрацоўкі негатыўна адбіваюцца на ўсёй эканоміцы рэгіёна. У параўнанні з мінулым годам чысты прыбытак усіх арганізацый Гомельскай вобласці скараціўся амаль у 2 разы з 234,2 да 128,2 млн рублёў. Экспарт тавараў за той жа перыяд знізіўся на 4,8%. 

У 2023 годзе Мазырскі НПЗ называўся ў ліку трох найбуйнейшых падаткаплацельшчыкаў Гомельскай вобласці. З другога квартала 2021 года прадпрыемства перастала публікаваць фінансавую інфармацыю аб сваёй дзейнасці. У 2020 годзе Мазырскі НПЗ быў самым прыбытковым прадпрыемствам сярод усіх акцыянерных таварыстваў Гомельскай вобласці.

Каментары1

  • Хлусня
    30.04.2024
    Хлусня, толькі што хваліліся дасягненнямі продажаў мардору

Цяпер чытаюць

На вайне з Украінай загінуў сын былога міліцэйскага начальніка з Віцебска

На вайне з Украінай загінуў сын былога міліцэйскага начальніка з Віцебска

Усе навіны →
Усе навіны

Малады ратавальнік з Асіповічаў стаў Бульбашом і загінуў на вайне за Расію26

Чым страшнейшая кладзешся спаць, тым прыгажэйшая прачынаешся: модніцы апантаныя экстрэмальным начным доглядам4

Бацькам загінулай Веры даслалі з М'янмы дзіўную даведку аб яе крэмацыі3

Еўропа і Украіна распрацоўваюць план па завяршэнні вайны з 12 пунктаў6

Чаму мы прайгралі ў 2020 годзе? Развагі Міколы Дзядка120

«Гуляць нельга!!!» У краме цацак «Палессе» настойліва просяць нічога не чапаць18

Міжнародная федэрацыя лыжнага спорту не дапусціла беларусаў з нейтральным статусам да гульняў у 2026 годзе2

Шкоду ад скрадзеных з Луўра каштоўнасцяў ацанілі ў 88 мільёнаў еўра4

У Расіі ўзарвалі чыгунку на ўчастку Пскоў-Пецярбург1

больш чытаных навін
больш лайканых навін

На вайне з Украінай загінуў сын былога міліцэйскага начальніка з Віцебска

На вайне з Украінай загінуў сын былога міліцэйскага начальніка з Віцебска

Галоўнае
Усе навіны →

Заўвага:

 

 

 

 

Закрыць Паведаміць