Сябры беларускі Ганны, якая загінула на Балі, расказалі пра яе і пра аварыю
На востраве Балі памерла 23-гадовая беларуска. Дзяўчына ехала на скутары і трапіла ў ДТЗ — яе падрэзаў аўтобус, у выніку беларуска загінула на месцы здарэння. Мы даведаліся, хто яна.
Ганна Шапялевіч вучылася ў Варшаве, пасля гэтага наведала Кітай, каб адпачыць. Чатыры месяцы таму Ганна прыляцела на Балі з блізкай сяброўкай, знайшла працу рыэлтаркай і вырашыла застацца на востраве. Для жыцця беларуска выбрала напаўвясковы раён Чангу, папулярны сярод экспатаў.
Сяброўка Ганны распавяла «Нашай Ніве» абставіны здарэння. Паводле яе слоў, ранкам 25 красавіка Ганна выехала на скутары Yamaha N-Max у міграцыйную службу, каб падоўжыць візу. На камерах відэаназірання відаць, што падчас яе руху справа ад скутара дзяўчыны з’явіўся аўтобус.
Ганна ехала на невялікай хуткасці, была ў шлеме. У горадзе Дэнпасар, каля мясцовай пратэстанцкай царквы, аўтобус вырашыў яе перагнаць і зачапіў скутар. Дзяўчына апынулася пад коламі. Ад удару шлем адляцеў, і яна атрымала цяжкую чэрапна-мазгавую траўму, з-за якой памерла на месцы здарэння.
Паліцыя пакуль яшчэ расследуе здарэнне. Як кажа сяброўка Ганны, у трагедыі вінаваты, хутчэй за ўсё, кіроўца аўтобуса.
Цяпер блізкія Ганны жадаюць перавезці цела беларускі на радзіму. Для гэтага яны абвясцілі збор грошаў, паўдзельнічаць у ім можна тут.
«Наша Нiва» — бастыён беларушчыны
ПАДТРЫМАЦЬЧытайце таксама:
«Дзень маўчання, жыллё ў гестхаусе». Як медык з Віцебска стварыў на Балі аналаг 103.by
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе4
Каментары