25 красавіка будуць новыя судовыя слуханні па «справе Ціханоўскага»
Слуханні пройдуць у Гомельскім абласным судзе. Такая інфармацыя з'явілася на сайце Вярхоўнага суда, звярнула ўвагу Радыё Свабода
У фармулёўцы на сайце гаворыцца пра «іншыя пытанні, зьвязаныя з прывядзеннем прысуду, вызначэння, пастановы ў выкананне». Больш канкрэтнай інфармацыі няма. Магчыма, размова ідзе пра чарговую кампенсацыю матэрыяльнай шкоды.
У сьпісе — палітвязні Ігар Лосік, Дзмітрый Папоў, Арцём Сакаў, Мікола Статкевіч, Сяргей Ціханоўскі і Уладзімір Цыгановіч, якія былі асуджаныя на закрытым працэсе ў будынку СІЗА-3 ў Гомелі 14 снежня 2021 года.
Сяргея Ціханоўскага тады асудзілі на 18 гадоў калоніі, Міколу Статкевіча — на 14 гадоў, Ігара Лосіка і Уладзіміра Цыгановіча — на 15 гадоў, Дзмітрыя Папова і Арцёма Сакава — на 16 гадоў.
Новае паседжанне мае весці суддзя Мікалай Доля, які выносіў ім прысуды
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары