Урад дазволіў здаваць у эксплуатацыю дамы з незавершанымі работамі
Савет міністраў Беларусі дазволіў забудоўшчыкам здаваць у эксплуатацыю ўласнікам незавершаныя будаўніцтвам дамы з наступным завяршэннем работ, вынікае з урадавай пастановы №187 ад 19 сакавіка 2024 года.
Дазвол распаўсюджваецца на аднакватэрныя і шматкватэрныя блакаваныя жылыя дамы, якія ўзводзяцца з прыцягненнем бюджэтных сродкаў. Згодна з дакументам, гаворка ідзе пра работы, якія «былі перанесеныя на спрыяльны перыяд іх выканання».
Пры перадачы дома ў эксплуатацыю забудоўшчык павінен паказаць кошт работ, якія яшчэ трэба будзе выканаць. Адпаведна, уласнік зможа аплаціць гэтыя работы пасля іх завяршэння.
«Калі пры прыёмцы ў эксплуатацыю аднакватэрнага жылога дома, а таксама шматкватэрнага, блакаванага жылога дома частка работ была перанесена на спрыяльны перыяд іх выканання, у дачыненні да фінансаваных з прыцягненнем бюджэтных сродкаў аб'ектаў долевага будаўніцтва ў такіх жылых дамах:
— памер выдаткаў на выкананне гэтых работ вызначаецца забудоўшчыкам з улікам прагнозных індэксаў кошту будаўніча-мантажных работ, абсталявання і іншых выдаткаў на дату іх правядзення і ўключаецца ў кошт дамовы (кошт аб'екта долевага будаўніцтва);
— забудоўшчык перадае дольшчыку дакументы, неабходныя для дзяржаўнай рэгістрацыі правоў дольшчыка на аб'ект долевага будаўніцтва, пасля выплаты кошту дамовы (кошту аб'екта долевага будаўніцтва), за выключэннем работ, перанесеных на спрыяльны перыяд», — гаворыцца ў дакуменце.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары