У Латвіі прапанавалі пабудаваць каля мяжы з Беларуссю АЭС, людзі абурыліся
Міністэрства клімату і энергетыкі Латвіі назвала шэсць месцаў у краіне, дзе ў перспектыва магчыма будаўніцтва АЭС. Адна з лакацый — каля возера Разнас, гэта прыкладна за 30 км ад мяжы з Беларуссю. Пакуль у латвійскіх уладаў няма канкрэтных планаў па будаўніцтве, але нават размовы пра гэта выклікалі незадаволенасць мясцовых жыхароў у сацсетках, піша lsm.lv.
«Я ўвогуле ў шоку ад гэтага. Тут забаронена ўсё — катацца на квадрацыклах, гідрацыклах вакол Разнас, таму што «эка, эка», і раптам тут збіраюцца будаваць АЭС?» — здзіўляецца Санта Віша-Гайсіня, турыстычная фірма сям'і якой знаходзіцца на беразе возера Разнас у Рэзекненскім краі.
Жанчына лічыць, што такі аб'ект негатыўна паўплывае на жаданне турыстаў туды ехаць.
Каментатары ў сацыяльных сетках таксама выказалі незадаволенасць такім патэнцыйным месцам для АЭС, заявіўшы, што возера ў нацыянальным парку Разнас — месца адпачынку.
Дэпартамент аховы прыроды, які кіруе нацыянальным паркам, пакуль не атрымаў інфармацыі пра планы міністэрства, але ўжо заявіў, што АЭС не варта будаваць на прыроднай тэрыторыі пад аховай.
З гэтым згодны і старшыня Рэзекненскай краявой рады Монвід Шварц:
«Абсалютна непадыходзячае месца з пункту гледжання аховы прыроды — гэта тэрыторыя пад аховай. І з тэхнічнага пункту гледжання, прынамсі ў свеце, такія электрастанцыі размяшчаюць там, дзе ёсць непасрэдны калектар энергіі або ёсць блізкія транзітныя дарогі да буйных злучэнняў».
У сваю чаргу, міністр клімату і энергетыкі Латвіі Каспар Мельніс паведаміў, што карта складалася больш за 10 гадоў таму, калі геапалітычная сітуацыя была іншай.
«Цяпер сітуацыя памянялася. Таму карта, калі б яна была зробленая сёння, верагодна, была б іншай», — адзначыў ён.
Чытайце таксама:
Арыштавалі і выставілі на продаж самую магутную ў Беларусі сонечную электрастанцыю
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары