Прапрацоўваецца магчымасць будаўніцтва новай АЭС у Беларусі, заявіў гендырэктар Расатама Аляксей Ліхачоў, піша «Спутнік».
Паводле яго слоў, Расійская дзяржкарпарацыя, якая займалася ўзвядзеннем Беларускай АЭС, гатовая будаваць другую станцыю ў рэспубліцы. Ліхачоў адзначыў, што разглядаецца варыянт збудавання АЭС на поўдні Беларусі.
Беларуская АЭС знаходзіцца на паўночным захадзе краіны, у Астравецкім раёне, за 40 км ад Вільні.
Першы энергаблок уведзены ў прамысловую эксплуатацыю ў чэрвені 2021-га. Другі быў запушчаны ў канцы 2023 года.
У канцы кастрычніка 2023 года на нарадзе па пытаннях планавання і рэалізацыі праектаў стратэгічнага характару Аляксандр Лукашэнка заявіў, што краіне нядрэнна было б мець другую АЭС. Гэта, па яго словах, пазітыўна адбілася б на эканоміцы рэспублікі.
Аднак тады паведамлялася, што разглядаюцца два варыянты — павелічэнне БелАЭС да чатырох энергаблокаў або будаўніцтва новай станцыі на пляцоўцы ў Магілёўскай вобласці (на ўсходзе краіны).
У Мінэнэрга Расіі заяўлялі, што пытанне будаўніцтва другой АЭС у Беларусі патрабуе ацэнкі.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары