Prapracoŭvajecca mahčymaść budaŭnictva novaj AES u Biełarusi, zajaviŭ hiendyrektar Rasatama Alaksiej Lichačoŭ, piša «Sputnik».
Pavodle jaho słoŭ, Rasijskaja dziaržkarparacyja, jakaja zajmałasia ŭźviadzieńniem Biełaruskaj AES, hatovaja budavać druhuju stancyju ŭ respublicy. Lichačoŭ adznačyŭ, što razhladajecca varyjant zbudavańnia AES na poŭdni Biełarusi.
Biełaruskaja AES znachodzicca na paŭnočnym zachadzie krainy, u Astravieckim rajonie, za 40 km ad Vilni.
Pieršy enierhabłok uviedzieny ŭ pramysłovuju ekspłuatacyju ŭ červieni 2021-ha. Druhi byŭ zapuščany ŭ kancy 2023 hoda.
U kancy kastryčnika 2023 hoda na naradzie pa pytańniach płanavańnia i realizacyi prajektaŭ stratehičnaha charaktaru Alaksandr Łukašenka zajaviŭ, što krainie niadrenna było b mieć druhuju AES. Heta, pa jaho słovach, pazityŭna adbiłasia b na ekanomicy respubliki.
Adnak tady paviedamlałasia, što razhladajucca dva varyjanty — pavieličeńnie BiełAES da čatyroch enierhabłokaŭ abo budaŭnictva novaj stancyi na placoŭcy ŭ Mahiloŭskaj vobłaści (na ŭschodzie krainy).
U Minenerha Rasii zajaŭlali, što pytańnie budaŭnictva druhoj AES u Biełarusi patrabuje acenki.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia7
Kamientary