Эканоміка1111

Арыштавалі і выставілі на продаж самую магутную ў Беларусі сонечную электрастанцыю

У Беларусі з-за даўгоў арыштавалі самую магутную сонечную электрастанцыю. Цяпер велізарны комплекс сярод лясоў Чарнобыльскай зоны выстаўлены на продаж, піша Blizko.by.

У 2018 годзе ў Чэрыкаўскім раёне Магілёўскай вобласці на замову кампаніі «Солар Лэнд» пачалі будаваць магутную сонечную электрастанцыю. Комплекс размясціўся каля адселенай вёскі Малая Рэчыца. Гэтыя землі пацярпелі ад Чарнобыльскай АЭС, таму населеныя пункты адсялілі.

Станцыю запусцілі ў эксплуатацыю ў лістападзе 2021 года. Яе сумарная вызначаная магутнасць складае 109 МВт пераменнага току і 130 МВт пастаяннага току, а гадавы аб'ём выпрацоўкі энергіі — 133-138 тысяч МВт*гадзіну.

На момант запуску гэта была самая магутная сонечная электрастанцыя ў краіне, прычым, мяркуючы па ўсім, застаецца такой і дагэтуль. Яе магутнасць удвая пераўзыходзіла ўладальніка ранейшага рэкорду.

Вось так выглядала чацвёрка найбуйнейшых сонечных станцый у Беларусі восенню 2021-га:

  • «Солар Лэнд «(Чэрыкаўскі раён Магілёўскай вобласці): пуск лістапад 2021, магутнасць 109 МВт
  • «Беларуснафта» пад Рэчыцай (Гомельская вобласць): пуск кастрычнік 2018, магутнасць 55 МВт
  • «Солар II» пад Брагінам (Гомельская вобласць): пуск жнівень 2016, магутнасць 18,48 МВт
  • станцыя пад Мядзелам (Мінская вобласць): пуск чэрвень 2016, магутнасць 5,7 МВт

На той момант у краіне працавалі ўсяго 70 сонечных станцый агульнай магутнасцю 160 МВт. Гэта значыць, станцыя пад Чэрыкавым выдавала прыкладна 2/3 магутнасці ўсіх папярэдніх сонечных станцый. Для параўнання: магутнасць першага энергаблока БелАЭС складае 1.200 МВт (або каля 11 такіх сонечных станцый, як пад Чэрыкавым).

І вось цяпер гэтая магутная станцыя з'явілася на гандлёвай пляцоўцы «Белюрзабеспячэнне» ў раздзеле арыштаванай маёмасці. Прычына — даўгі ТАА «Солар Лэнд».

Складнікі сонечнай электрастанцыі знаходзяцца ў закладзе. У склад комплексу ўваходзяць дзясяткі адзінак рознага тэхналагічнага абсталявання.

Стартавая цана лота складае 79 751 000 рублёў (прыкладна 24,8 мільёна даляраў па актуальным курсе). Таргі стартуюць 14 сакавіка.

Каментары11

  • qwerty
    01.03.2024
    Відаць аднаўляльнай энергетыцы ў Беларусі прыйшоў капец. Сонечныя станцыі зарастаюць бур'яном, а ветравыя - заглушаныя па ўсёй краіне.
  • Беларус
    01.03.2024
    Вось цікава, калі такая электрастанцыя каштуе 25 млн даляраў і каб супадала магутнасць з нашай АЭС трэба 11 такіх сонечных станцый, то нешта не зразумела, чаму не пабудавалі менавіта сонечныя. АЭС каштавала каля 6-7 млрд здаецца. Штосьці не сыходзіцца
  • Kub
    01.03.2024
    Бізнэс па-лукашысцку: інвестуй ў бізнэс, наладзь вытворчасць, а пасля дзяржава па-бандзюкоўску адцісне і ты яшчэ і вінны будзеш....

Цяпер чытаюць

Азаронкі 1930-х: як склаўся іх лёс9

Азаронкі 1930-х: як склаўся іх лёс

Усе навіны →
Усе навіны

У Азербайджане суддзя спрабаваў згвалціць асла і памёр — новы фэйк4

Міністр інфармацыі Маркаў хоча пастрожыць рэгуляванне рэкламы3

У Акадэміі навук прыдумалі малочную гарэлку5

Беларус запусціў дабрачынны флэшмоб у падтрымку дзяўчынкі з Беластока1

«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м5

Дачка Пуціна жыве ў Парыжы і працуе ў галерэі, дзе выстаўляюць антываеннае мастацтва12

Лукашэнка — патрыярху Кірылу: Мы стараемся запаветаў Госпада не парушаць у Беларусі8

Зорка «Што? Дзе? Калі?» беларуска Алена Повышава развялася з мужам пасля 14 гадоў шлюбу15

«Ніхто не стаў разбірацца». Беларусы правялі шмат гадзін у аўтобусе, але іх не прапусцілі ў Грузію3

больш чытаных навін
больш лайканых навін

Азаронкі 1930-х: як склаўся іх лёс9

Азаронкі 1930-х: як склаўся іх лёс

Галоўнае
Усе навіны →

Заўвага:

 

 

 

 

Закрыць Паведаміць