У Канадзе сям'я ў падвале знайшла скрынку з карткамі на казачную суму. Здавалася б, прычым тут Беларусь?
На гэтым тыдні сям'я выставіла хакейную скрынку на аўкцыён, і сума на таргах ужо перавысіла $ 1,125 млн.
Сям'я з Саскачэвана (правінцыя ў Канадзе) знайшла ў падвале дома скрынку з нераспакаванымі хакейнымі карткамі, паведамляе «Беларускі хакей» са спасылкай на CBC.
Скрынка напоўнена тысячамі неадкрытых фірмовых картак, усё з 1979 года — года пачатку кар'еры найлепшага снайпера ў хакеі Уэйна Грэцкі. На гэтым тыдні сям'я выставіла скрынку на аўкцыён, і сума на таргах ужо перавысіла $ 1,125 млн.
Ніхто дакладна не ведае, колькі там картак Грэцкі. Пакеты з карткамі закрытыя. Паведамляецца, што картка пачаткоўца Грэцкі ў дрэнным стане каштуе некалькі сотняў даляраў, але картка ў выдатным стане нядаўна была прададзеная за $ 3,75 млн.
Той факт, што скрынка не адкрывалася і да гэтага часу ні разу не пераходзіла з рук у рукі, з'яўляецца адной з прычын, па якой яна такая каштоўная.
Як вядома, у найлепшага хакеіста свету ўсіх часоў і народаў Уэйна Грэцкі — беларускае паходжанне. Ягоны дзед Антон выехаў у Канаду ў пачатку XX стагоддзя з тэрыторыі тагачаснай Гродзенскай губерні. Там ён ажаніўся з украінкай. Са сваім сынам Уолтэрам ён размаўляў па-беларуску, а Уэйн у дзяцінстве чуў беларускую і ўкраінскую мовы.
Некалькі гадоў таму Уэйн Грэцкі прыязджаў у Мінск, дзе яго сустрэлі з вялікім размахам і дзе ён сустрэўся са сваімі беларускімі сваякамі.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары