Украінскі праект «РокРадіо» на базе ўласнай анлайн-платформы запусціў у эфір радыё стрым «РокРадыёBY», на якім ахвотныя могуць слухаць музыку беларускамоўных сучасных і культавых груп, піша Espreso.tv.
Акрамя беларускіх, тут таксама будуць прадстаўленыя і папулярныя ўкраінскія рок-гурты.
«Праект толькі стартаваў, але ў планах ужо ёсць стварэнне блокаў навін, аўтарскіх праграм і іншага, што тычыцца сучаснай беларускай культуры, без дыктатарскіх абмежаванняў», — кажуць заснавальнікі новага беларускага радыё ў асобе ўкраінскага радыёпрадзюсара Алега Удавічэнкі і кіраўніка Беларускай Рады культуры Сяргея Будкіна.
«Вялікая колькасць прадстаўнікоў музычнай індустрыі вымушана была пакінуць Беларусь, а вялікая колькасць твораў знаходзяцца пад забаронай. «РокРадыёBY» мае на мэце стаць пляцоўкай для такіх беларускіх музыкаў у стылі рок, а таксама для тых дзеячаў, якія падтрымліваюць сапраўдную беларускую айдэнтыку. Радыё заклікана стаць астраўком беларускага і ўкраінскага року, а з часам стартавай пляцоўкай сумесных культурных праектаў», — адзначаюць стваральнікі «РокРадыёBY».
Слухаць па радыё творчасць беларускіх музычных гуртоў можна па спасылцы.
У планах радыё рабіць інтэрв'ю з беларускімі апазіцыйнымі культурнымі, палітычнымі дзеячамі, прадстаўнікамі і вайскоўцамі палка Кастуся Каліноўскага, пры падтрымцы якога ўзнікла радыёстанцыя, а таксама з украінцамі, якія падтрымліваюць ідэю свабоднай Беларусі як сяброўскай Украіне краіны.
Акрамя таго, прадугледжваецца «з'яўленне ў эфіры блокаў навін аб падзеях ва Украіне».
«Гэта будуць навіны з фронту, культурныя ініцыятывы, украінска-беларускія адносіны. Улічваючы ўзровень цэнзуры і прапаганды ў афіцыйных беларускіх медыя, такая опцыя дасць магчымасць беларусам атрымліваць праўдзівую інфармацыю пра падзеі ва Украіне», — упэўненыя арганізатары «РокРадыёBY».
Іх камандай ужо распрацаваная праграма «РокРадыёBY» для смартфонаў.
Чытайце таксама:
Лявон Вольскі: Я выдатна разумею хлопцаў з Nizkiz, бо жыў такім жыццём не адзін год
Надзея Калач з Irdorath запісала пранізлівую песню, народжаную ў калоніі
«Песня, якой я развітаюся з 2023». Прэм'ера ад Сяргея Башлыкевіча
-
Наста Кудасава адправілася ў паэтычны тур па краінах Балтыі
-
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
-
Памёр стваральнік Сляпянскай воднай сістэмы. Здаецца, унікальны канал неўзабаве таксама можа памерці
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары