Надзея Калач з Irdorath запісала пранізлівую песню, народжаную ў калоніі
Яе спеў суправаджаецца шчымлівымі выявамі лістоў і тэлеграм, якія прыходзілі ёй на Валадарку.
«Такім чынам, я вярнулася. Дзякуй тым, хто пісаў і піша лісты палітвязням. Дзякуй тым, хто пісаў мне, у гэтым быў сапраўдны паратунак, — напісала ў сябе ў інстаграме Надзея Калач, спявачка з гурту Irdorath. — Раней у мяне была традыцыя — публікаваць адну асабістую песню пад Новы год. Надышоў час працягнуць. Я выбрала «Мора»: песню, народжаную ў калоніі. Сёння яна стане свабоднай. Усіх З Новым годам, Надзея Ірдарат».
Музыкаў гурту «Irdorath» арыштавалі за выкананне песні «Перамен» на дудзе на дэманстрацыі за свабодныя выбары ў 2020-м. І Надзеі, і яе мужу Уладзіміру Калачу суддзя Аляксандр Якунчыхін прысудзіў два гады пазбаўлення волі ў калоніі агульнага рэжыму.
Спеў Надзеі Калач суправаджаецца шчымлівымі выявамі лістоў і тэлеграмаў, якія прыходзілі ёй на Валадарку.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары