Навука і тэхналогіі

Apple выпускае навінку для багатых — акуляры змяшанай рэальнасці Vision Pro. Як яны працуюць?

Яна будзе каштаваць $3,5 тысячы.

Фота: Jeff Chiu / AP

Кампанія Apple заявіла пра адкрыццё продажаў гарнітуры змяшанай рэальнасці Vision Pro з 2 лютага ў ЗША, піша Бі-бі-сі.

Пакупнікі ў Амерыцы змогуць аформіць папярэднюю замову на прыладу Apple Vision Pro за 3499 даляраў з сярэдзіны студзеня. Дата яе выхаду на іншыя рынкі пакуль не вядомая.

Гэта першы буйны прадукт, выпушчаны кампаніяй з выхаду Apple Iwatch у 2015 годзе.

Пасля некалькіх гадоў, якія суправаджаліся чуткамі аб распрацоўцы гарнітуры, тэхналагічны гігант Apple прадставіў яе на агляд у чэрвені 2023 года. Аднак з тых часоў узніклі праблемы.

Па звестках Financial Times, кампанія знізіла планы вытворчасці ў гэтым годзе больш чым у два разы: з аднаго мільёна прылад да 400 тысяч.

У Apple таксама паведамілі, што прылада змяшанай рэальнасці будзе разлічана на 256 ГБ памяці. Распрацоўшчыкі таксама ўдакладнілі, што тэхналогія «адсочвання вокам» у гэтай прыладзе можа працаваць пры дапамозе аднаго дамінуючага вока — гэта тычыцца людзей, якія не могуць бачыць у роўнай ступені абодвума вачыма.

Але што цікава, кампанія настойвае, што яе прыладу не варта параўноўваць з іншымі прадуктамі на рынку. Распрацоўшчыкам рэкамендавалі называць свае прадукты «прасторавымі вылічэннямі».

У выпадку поспеху гэты прадукт можа стаць новай крыніцай даходу для Apple. Аднак кошт можа аказацца непад'ёмным для многіх пакупнікоў па ўсім свеце, асабліва ва ўмовах падаражэння жыцця, так што гэты гаджэт, хутчэй за ўсё, будзе карыстацца папулярнасцю толькі сярод найбольш забяспечаных пакупнікоў.

У адрозненне ад многіх існуючых гарнітур, Apple не стала размяшчаць унутры Vision Pro акумулятар, каб галаве не было так цяжка. Акумулятар падключаецца з дапамогай кабеля, але яго ўсё роўна прыйдзецца трымаць дзесьці побач.

Надзеўшы гарнітуру, вы бачыце пакой вакол вас, але не праз шкло, а праз мноства ўбудаваных камер (гарнітура ўпершыню абсталявана 3D-камерай).

Гэта і стварае эфект «змяшанай рэальнасці» — лічбавы кантэнт праецыруецца на навакольную прастору.

Фізічна націскаць трэба ўсяго адну кнопку ў правай верхняй частцы гарнітуры, і на экране з'яўляюцца знаёмыя іконкі дадаткаў, знаёмых карыстальнікам iPhone, уключаючы iMessage, Photos і Apple TV.

Далей гарнітура адсочвае ваш позірк. Вы глядзіце на пэўны дадатак, сціскаеце вялікі і ўказальны пальцы, і ён адкрываецца.

Узровень апускання можна наладзіць: фізічнае колца дазваляе павялічыць або паменшыць памер таго, на што вы глядзіце — патрэбны вам прадмет можна павялічыць да памераў пакоя або ператварыць у экран, накладзены па-над сцяной.

Аднак калі хтосьці фізічна зойдзе ў поле зроку камеры перад вамі, вы ўбачыце гэтага чалавека, ніякія віртуальныя аб'екты яго для вас не заслоняць.

Пры ўзнікненні праблем падчас дэманстрацыі, супрацоўнік Apple нагадваў, што гэта яшчэ не гатовы прадукт, а забарона Apple на здымку азначала, што гэтыя праблемы не могуць быць запісаныя або апублікаваныя ў інтэрнэце.

@vibebelarus Apple упершыню абагнала Samsung па продажах смартфонаў. А ў вас які тэлефон #беларусь #навіны #беларусьсейчас #беларускіцікток #нашаніва #белорусы #новостибеларуси #минск #мінск #эпл #самсунг ♬ Campfire - Charmer & Klay

Каментары

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню49

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі7

«Саўт-парк» жорстка высмяяў Трампа. Белы дом рэзка асудзіў12

РПЦ запатрабавала ад Беларускай праваслаўнай царквы вярнуць у назвах згадванне Маскоўскага патрыярхата50

Мінск зноў затапіла1

70-гадовую жанчыну з Гомеля пасадзілі за каментары. Гэта самая пажылая палітзняволеная45

У расійскім Саратаве выбух. Абваліўся цэлы пад’езд дзесяціпавярховай панэлькі10

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню49

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць