Намеснік міністра ўнутраных спраў — камандуючы ўнутранымі войскамі Мікалай Карпянкоў з'явіўся на зборах байцоў спецпадраздзяленняў у куртцы з шаўронам ПВК «Вагнер». На шаўроне намаляваны контур Беларусі з чэрапам і надпіс «Спецназ ВВ МВД PMC Wagner Group», заўважыў Reform.by.
Як паведамляе тэлеграм-канал унутраных войскаў МУС, зборы праходзілі ў навучальным цэнтры ўнутраных войскаў, а тактыка-спецыяльную падрыхтоўку на іх праводзілі «інструктары з баявым вопытам».
Раней сцяг ПВК «Вагнер» заўважылі на паказальным выступленні атрада спецназа «Тарнада» ў вайсковай часці 3310 у Мінску. Ён вісеў на флагштоку побач з дзяржаўным сцягам Беларусі і сцягам спецназа.
Прапагандыст з Russia Today Канстанцін Прыдыбайла тады заявіў, што «вагнераўцы» ўвайшлі ў склад спецназа «Тарнада».
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары