Ілан Маск прыехаў у кібуц Кфар-Аза, на які напалі баевікі ХАМАС 7 кастрычніка.
«Я наведаў кібуц Кфар-Аза з Іланам Маскам, каб паказаць яму злачынствы супраць чалавечнасці, учыненыя ХАМАС», — заявіў ізраільскі прэм'ер Біньямін Нетаньяху ў X.
Маск і Нетаньяху правялі сумесны жывы эфір у сацсетцы. Падчас трансляцыі бізнэсовец пагадзіўся з прэм'ер-міністрам Ізраіля, што ХАМАС павінен быць знішчаны, піша Meduza.
Маск зазначыў, што хацеў бы дапамагчы ў аднаўленні Газы пасля вайны. На яго думку, аднаўленне гэтай тэрыторыі будзе важным крокам да прадухілення вайны ў будучыні.
Мільярдэр таксама сказаў, што ахвяры сярод цывільнага насельніцтва «непазбежныя» і што Ізраіль спрабуе пазбегнуць іх у вайне супраць ХАМАС.
Маск прыехаў у кібуц Кфар-Аза на фоне абвінавачанняў у антысемітызме ў свой адрас. 15 лістапада бізнэсовец пракаментаваў допіс у сацсетцы X, у якім гаварылася, што габрэі адчуваюць «дыялектычную нянавісць» да белых людзей. «Вы сказалі чыстую праўду», — напісаў тады Маск.
Цяпер чытаюць
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні29
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1010
Каментары
На святое посягнул