Iłan Mask pryjechaŭ u kibuc Kfar-Aza, na jaki napali bajeviki CHAMAS 7 kastryčnika.
«Ja naviedaŭ kibuc Kfar-Aza ź Iłanam Maskam, kab pakazać jamu złačynstvy suprać čałaviečnaści, učynienyja CHAMAS», — zajaviŭ izrailski premjer Bińjamin Nietańjachu ŭ X.
Mask i Nietańjachu praviali sumiesny žyvy efir u sacsietcy. Padčas tranślacyi biznesoviec pahadziŭsia z premjer-ministram Izraila, što CHAMAS pavinien być źniščany, piša Meduza.
Mask zaznačyŭ, što chacieŭ by dapamahčy ŭ adnaŭleńni Hazy paśla vajny. Na jaho dumku, adnaŭleńnie hetaj terytoryi budzie važnym krokam da praduchileńnia vajny ŭ budučyni.
Miljarder taksama skazaŭ, što achviary siarod cyvilnaha nasielnictva «niepaźbiežnyja» i što Izrail sprabuje paźbiehnuć ich u vajnie suprać CHAMAS.
Mask pryjechaŭ u kibuc Kfar-Aza na fonie abvinavačańniaŭ u antysiemityźmie ŭ svoj adras. 15 listapada biznesoviec prakamientavaŭ dopis u sacsietcy X, u jakim havaryłasia, što habrei adčuvajuć «dyjalektyčnuju nianaviść» da biełych ludziej. «Vy skazali čystuju praŭdu», — napisaŭ tady Mask.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika11
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
Na śviatoje posiahnuł