Izrail i CHAMAS damovilisia ab karotkim pieramirji i abmienie zakładnikami. Pieršyja vyzvalenyja ludzi raspaviadajuć, u jakich umovach ich utrymlivaŭ CHAMAS.
Svajaki 85-hadovaj Jafy Adar, a taksama Ruci Munder, Kieren Munder i Ochada Munder-Zichry — babuli, mamy i ŭnuka — raspaviali žurnalistam BBC pra ich znachodžańnie ŭ zakładnikach u Hazie i viartańnie dadomu.
Pa ich słovach, bajeviki karmili ich u asnoŭnym rysam i aładkami, a spali ludzi na radach płastykavych siadzieńniaŭ — padobnych da tych, što vykarystoŭvajucca ŭ załach čakańnia.
«Kali im treba było ŭ prybiralniu, jany kałacili ŭ dźviery — časam im davodziłasia čakać dazvołu pa paŭtary hadziny», — raspaviadaje Mieraŭ Raviŭ, čyje ciotka, stryječnaja siastra i jaje syn Ochad byli zachoplenyja bajevikami ŭ kibucy Nir-Oz 7 kastryčnika.
Rodnyja taksama raspaviali pra tuju vializnuju radaść, jakuju jany adčuli paśla viartańnia svaich blizkich. «Ja tak hanarusia tym, što ja jaje ŭnučka», — kaža Jadva Adar, unučka 85-hadovaj Jafy Adar.
U Izraili Jafa Adar, jakaja pieražyła Chałakost, stała simvałam hodnaści i spakojnaha niepadparadkavańnia, paśla taho jak u sietkach źjavilisia kadry, na jakich hrupa ŭzbrojenych bajevikoŭ CHAMAS viazie jaje ŭ Hazu.
«Ja hladžu na jaje, na toje, jak jana pieražyła heta, na jaje siłu i na toje, jak jana zmahła zachavać nadzieju na viartańnie», — dadała Jadva.
Dom, u jakim Jafa Adar žyła šmat hadoŭ, byŭ spaleny bajevikami daščentu, i ciapier joj niama kudy viarnucca, kaža jaje ŭnučka.
«Zvyčajna, kali tabie za 80, u ciabie jość dom, uspaminy, fotaalbomy, a ŭ jaje ničoha nie zastałosia. U staraści joj treba pačynać usio spačatku, a heta niaprosta», — skazała Jadva Adar.
24 listapada ŭ siektary Haza pačałasia humanitarnaja paŭza. Zhodna z pahadnieńniem pamiž Izrailem i CHAMAS, apošni biare na siabie abaviazak vyzvalić 50 čałaviek u abmien na 150 paleścinskich źniavolenych.
U pieršy abmien zakładnikami bajeviki CHAMAS vyzvalili 13 izrailskich zakładnikaŭ i 12 rabočych z Tajłanda, Izrail vyzvaliŭ 39 paleścinskich źniavolenych.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary