CHAMAS adkłaŭ vyzvaleńnie pałonnych, pakul Izrail nie vykanaje pahadnieńnie sa svajho boku
Vajskovaje kryło arhanizacyi patrabuje ad izrailskich uładaŭ vyzvalić pałonnych i dastavić humanitarnuju dapamohu na poŭnač Hazy. ŚMI śćviardžajuć, što Izrail adnović ataki na Hazu, kali CHAMAS nie vyzvalić pałonnych da poŭnačy.
Pryčynaj, čamu CHAMAS adkłaŭ siońniašniaje vyzvaleńnie Izrailskich zachoplenych, nazyvajecca «niedastatkovaja» pastaŭka ŭ siektar Haza humanitarnaj dapamohi. Pavodle infarmacyi CHAMASa, z 24 listapada ŭ siektar zajechała ŭsiaho 340 hruzavikoŭ, što składaje mienš za pałovu ŭzhodnienaj ź Izrailem kolkaści.
24 listapada ŭ siektary Haza pačałasia humanitarnaja paŭza. Zhodna z pahadnieńniem pamiž Izrailem i CHAMAS, apošni biare na siabie abaviazak vyzvalić 50 čałaviek u abmien na 150 paleścinskich źniavolenych.
Adnak siońnia ŭviečary CHAMAS zajaviŭ ab rašeńni adkłaści zapłanavanaje vyzvaleńnie druhoj hrupy izrailskich pałonnych.
U Tel-Avivie tysiačy ludziej vyjšli na vulicy patrabavać vyzvaleńnia ŭsich zakładnikaŭ z pałonu CHAMAS.
«Naša Niva» — bastyjon biełaruščyny
PADTRYMAĆ
Kamientary