Відэаканферэнцыі негатыўна адбіваюцца на працы мозга і сэрца, вочныя заняткі і сустрэчы — не
Выданне The Washington Post апісала новае даследаванне, у якім вывучалася мазгавая і сардэчная актыўнасць людзей падчас відэаканферэнцый. Вось, да якіх высноў прыйшлі навукоўцы.
Новае даследаванне, апублікаванае ў часопісе Scientific Reports, паказала, што пастаянныя і доўгія відэаканферэнцыі ў Zoom, FaceTime, Microsoft Teams і іншых платформах могуць шкодзіць працы мозга і сэрца чалавека.
Як гэта вызначалася?
Навукоўцы прааналізавалі ўплыў так званай «стомленасці ад зумаў» (стану знясілення пасля відэазванкоў) на арганізмы 35 студэнтаў аднаго з універсітэтаў Аўстрыі. Чальцы групы падзяліліся напалам і па чарзе наведвалі то вочныя, то дыстанцыйныя заняткі працягласцю 50 хвілін кожная.
У той жа час навукоўцы правяралі стан студэнтаў пры дапамозе апаратаў ЭЭГ (электраэнцэфалаграмы) і ЭКГ (электракардыяграмы) для маніторынгу актыўнасці мозга і сэрца, а таксама ладзілі апытанкі наконт настрою і стомленасці ўдзельнікаў групы.
«Мэтай даследавання быў пошук фізічных змен, звязаных са стомленасцю, узбуджэннем нерваў і мазгавых хваляў, а таксама са скарачэннем сардэчнага рытму ў студэнтаў. Вынікі аналізу паказалі, што былі прыкметныя адрозненні паміж наступствамі заняткаў ужывую і анлайн.
У анлайн-студэнтаў на працягу лекцыі ўвесь час павялічвалася стомленасць і санлівасць, а іх мозг з усіх сіл напружваўся, каб вярнуць канцэнтрацыю. А студэнты, якія вучыліся ўжывую, наадварот, былі больш жывымі, актыўнымі і шчаслівымі. Прыборы не фіксавалі ніякага пагаршэння іх стану», — піша The Washington Post са спасылкай на навукоўцаў.
Тыя адзначылі, што з улікам вынікаў аналізу, відэаканферэнцыі карысней разглядаць толькі ў якасці дадатку да рэальных сустрэч, а не іх поўнай замены.
Таксама навукоўцы заклікалі правесці больш маштабнае даследаванне «стомленасці ад зумаў» з большай колькасцю ўдзельнікаў аналізу.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары