Дзмітрый Канеўскі цалкам адбыў тэрмін і вызваліўся ў першай палове кастрычніка, піша «Гомельская вясна».
17 чэрвеня 2021 года суддзя Гомельскага абласнога суда Руслан Царук прысудзіў Дзмітрыю Канеўскаму 3 гады пазбаўлення волі ва ўмовах агульнага рэжыму па арт. 130 (наўмысныя дзеянні, скіраваныя на распальванне расавай, рэлігійнай, сацыяльнай і іншай варожасці) Крымінальнага кодэкса РБ.
Усё абвінавачванне грунтавалася на адным каментары ў тэлеграм-чаце «Гомель Савецкі 97», у якім Дзмітрый нібыта напісаў, што яго калегу забілі амапаўцы, і заклікаў да гвалту ў дачыненні да міліцыянтаў.
Пакаранне Дзмітрый адбываў у папраўчай калоніі № 22 горада Івацэвічы.
Дзмітрый Канеўскі — сын вядомай грамадскай актывісткі з Гомеля Таццяны Канеўскай, якая ўжо 3 гады знаходзіцца за кратамі праз палітычны пераслед.
Яна некалькі гадоў змагалася за змены ў антынаркатычным заканадаўстве ў якасці прадстаўніцы ініцыятывы «Матчын рух 328». Таццяна з'яўлялася ініцыятаркай галадоўкі маці асуджаных за наркотыкі. У парламенцкіх выбарах-2019 яна брала ўдзел у якасці кандыдаткі ў дэпутаты.
Таццяна была даверанай асобай Святланы Ціханоўскай. Яе затрымалі за тры дні да прэзідэнцкіх выбараў, 6 жніўня 2020 года, і выставілі абвінавачванні па двух артыкулах:
- ч. 2 арт. 293 Крымінальнага кодэкса — удзел у масавых беспарадках
- арт. 292 Крымінальнага кодэкса — захоп будынкаў і збудаванняў
У маі 2021 года яе асудзілі на шэсць гадоў турмы ва ўмовах строгага рэжыму.
Таксама ўжо тыдзень у ІЧУ Гомеля адбывае адміністрацыйны арышт старэйшы брат Дзмітрыя і сын Таццяны Аляксандр, якога адправілі за краты на 15 сутак па ч. 2 арт. 19.11 КаАП РБ.
Цяпер чытаюць
Топ сучасных элітных жыллёвых комплексаў Мінска. Квадрат там каштуе да 11 000 даляраў1
Каментары