Хлопцу з Гродна ў 2020-м было 15 гадоў. Цяпер яму пагражае да 15 гадоў калоніі
У судзе Кастрычніцкага раёна Гродна 17 лістапада распачаўся суд над 18-гадовым Арцёмам Янкоўскім.
Яго абвінавачваюць паводле ч. 1 арт. 293 КК (арганізацыя масавых беспарадкаў). Пасля затрымання з Арцёмам публікавалі відэа, дзе ён казаў, што ў 2020-м годзе прапаноўваў закідваць супрацоўнікаў міліцыі «кактэйлямі Молатава» і адпраўляў інструкцыю па іх вырабе сябрам. Справу разглядае суддзя Віталь Лабоцкі, піша «Вясна».
Арцёму падчас масавых пратэстаў было толькі 15 гадоў. Хлопца затрымалі 13 жніўня гэтага года паводле арт. 19.11 КаАП за «распаўсюд экстрэмісцкай дзейнасці» — праз некалькі месяцаў, як яму споўнілася 18 гадоў. Пасля гэтага завялі крымінальную справу. Цяпер Арцёму пагражае ад 5 да 15 гадоў калоніі.
КДБ унёс Янкоўскага ў «Спіс тэрарыстаў» 2 лістапада — яшчэ да пачатку суда.
Каментары
деламгодам его, как гласит Евангелие от Лукавого для судей и прокуроров.