Сына палітзняволенай Таццяны Канеўскай адправілі на суткі за «экстрэмісцкія матэрыялы»
8 лістапада ў судзе Цэнтральнага раёна Гомеля суддзя Алеся Восіпава пакарала Аляксандра Канеўскага адміністрацыйным арыштам на 15 сутак па ч. 2 арт. 19.11 КаАП (распаўсюд экстрэмісцкіх матэрыялаў).
У пастанове суда ў віну Аляксандру ставілася тое, што «ў месенджары Telegram шляхам адпраўкі асабістага паведамлення ажыццявіў распаўсюд інфармацыйнай прадукцыі ў выглядзе артыкула з супольнасцяў […], уключаных у Рэспубліканскі спіс экстрэмісцкіх матэрыялаў», піша «Вясна».
Аляксандр — сын вядомай палітзняволенай грамадскай актывісткі з Гомеля Таццяны Канеўскай, якая ўжо трэці год знаходзіцца за кратамі.
Яна некалькі гадоў змагалася за змены ў антынаркатычным заканадаўстве ў якасці прадстаўніцы ініцыятывы «Матчын рух 328». Таццяна з'яўлялася ініцыятаркай галадоўкі маці асуджаных за наркотыкі. У парламенцкіх выбарах-2019 яна брала ўдзел у якасці кандыдаткі ў дэпутаты.
Таццяна была даверанай асобай Святланы Ціханоўскай. Яе затрымалі за тры дні да прэзідэнцкіх выбараў, 6 жніўня 2020 года, і выставілі абвінавачванні па двух артыкулах:
- ч. 2 арт. 293 Крымінальнага кодэкса — удзел у масавых беспарадках
- арт. 292 Крымінальнага кодэкса — захоп будынкаў і збудаванняў
У маі 2021 года яе асудзілі на шэсць гадоў турмы ва ўмовах строгага рэжыму.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?22
Каментары