У Беларусі фарміруецца ўжо шостае новае падраздзяленне спецназа — Карпянкоў
Мікалай Карпянкоў, намеснік міністра ўнутраных спраў Беларусі і камандуючы ўнутранымі войскамі, распавёў, што літаральна за гэты год было сфарміравана пяць новых падраздзяленняў спецназа, ужо фарміруецца шостае, таксама створана два атрады добраахвотнікаў.
Паводле Карпянкова, унутраныя войскі добра ўкамплектаваны і аснашчаны тэхнікай.
Таксама, кажа Карпянкоў, падраздзяленні спецназа ўнутраных войскаў МУС прайшлі сурʼёзную падрыхтоўку з дапамогай байцоў «Вагнера».
«Дзякуючы інструктарам «Вагнера» сумеснымі намаганнямі прайшлі вельмі магутны курс баявой спецыяльнай падрыхтоўкі«, — сказаў Карпянкоў у эфіры СТВ.
У ліпені была інфармацыя, што «Вагнер» будзе вучыць і супрацоўнікаў МУС. Тады ж адбылася сустрэча міністра ўнутраных спраў Івана Кубракова з прадстаўнікамі ПВК «Вагнер». Кубракоў адзначаў тады, што з прычыны «няпростай сітуацыі ля межаў рэспублікі» трэба быць «падрыхтаванымі да адказу на магчымыя выклікі і пагрозы», і ў гэтым, маўляў, вялікае значэнне мае «практычны вопыт прадстаўнікоў ПВК».
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком18
Каментары