Пуцін памілаваў забойцу кемераўскай студэнткі. Той забіваў дзяўчыну тры гадзіны, нанёсшы 111 траўмаў, а адсядзеў менш за год
«Маё дзіця, прабачце, гніе ў зямлі. Я пазбаўленая жыцця. Гэта плявок у мой адрас, у адрас тых маці, у якіх дзяцей сапраўды гэтак жа жорстка забілі», — кажа маці Веры Пехцелевай.
Прэзідэнт Расіі Уладзімір Пуцін у красавіку гэтага года памілаваў Уладзіслава Канюса — забойцу кемераўскай студэнткі Веры Пехцелевай, піша The Insider.
«Указам прэзідэнта Расійскай Федэрацыі ад 27.04.2023 У. Канюс памілаваны з вызваленнем 28.04.2023 ад далейшага пакарання і здыманнем судзімасці», — гаворыцца ў дакуменце пракуратуры.
«Гэта значыць, Пуцін проста ўзяў і памілаваў забойцу: Канюс некалькі гадзін забіваў Веру. На юрыдычнай мове — з асаблівай жорсткасцю, на чалавечай — з хворым садызмам. На яе целе 111 траўмаў, перад смерцю ён згвалціў Веру, а затым задушыў шнуром ад праса», — паведаміла праваабаронца Вера Папова.
У чэрвені Папова пісала, што Канюс, мяркуючы з усяго, вызвалены з калоніі і ўдзельнічае ў баявых дзеяннях ва Украіне. Бацькі забітай убачылі ў сацсетках фатаграфію Канюса ў камуфляжнай форме і са зброяй у руках. У верасні праваабаронца паведамляла, што Канюс ужо вярнуўся з фронту і знаходзіцца на волі.
«Маё дзіця, прабачце, гніе ў зямлі. Я пазбаўленая жыцця. Гэта плявок у мой адрас, у адрас тых маці, у якіх [дзяцей] сапраўды гэтак жа жорстка забілі. Нас вельмі шмат па ўсёй краіне, мы не ведаем, што рабіць. Наш таварыш яшчэ, можа, і ваюе, а ў некаторых маці забойцы ўжо на волі, і яны бачаць іх. Як з гэтым жыць?»— распавяла маці дзяўчыны, Аксана Пехцелева.
У ліпені мінулага года суд у Кемераве прысудзіў Канюса да 17 гадоў калоніі за забойства з асаблівай жорсткасцю яго былой дзяўчыны Веры Пехцелевай. Тая прыехала да яго забраць рэчы пасля расставання, і ён некалькі гадзін збіваў яе. Суседзі чулі крыкі з кватэры, яны тэлефанавалі ў паліцыю як мінімум сем разоў. Ім адказвалі, што выклік прыняты і нарад адпраўлены, але за тры з лішнім гадзіны ніхто не прыехаў.
10 ліпеня суд прысудзіў пяцярых супрацоўнікаў мясцовага МУС да тэрмінаў ад 1,5 года да двух гадоў умоўна па справе аб забойстве Пехцелевай.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»23
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Вообще - та еще рулетка.
Если верить пригожину, один из пяти примерно этих джентльменов дожил до помилования.