Pucin pamiłavaŭ zabojcu kiemieraŭskaj studentki. Toj zabivaŭ dziaŭčynu try hadziny, naniosšy 111 traŭmaŭ, a adsiadzieŭ mienš za hod
«Majo dzicia, prabačcie, hnije ŭ ziamli. Ja pazbaŭlenaja žyćcia. Heta plavok u moj adras, u adras tych maci, u jakich dziaciej sapraŭdy hetak ža žorstka zabili», — kaža maci Viery Piechcielevaj.
Prezident Rasii Uładzimir Pucin u krasaviku hetaha hoda pamiłavaŭ Uładzisłava Kaniusa — zabojcu kiemieraŭskaj studentki Viery Piechcielevaj, piša The Insider.
«Ukazam prezidenta Rasijskaj Fiederacyi ad 27.04.2023 U. Kanius pamiłavany z vyzvaleńniem 28.04.2023 ad dalejšaha pakarańnia i zdymańniem sudzimaści», — havorycca ŭ dakumiencie prakuratury.
«Heta značyć, Pucin prosta ŭziaŭ i pamiłavaŭ zabojcu: Kanius niekalki hadzin zabivaŭ Vieru. Na jurydyčnaj movie — z asablivaj žorstkaściu, na čałaviečaj — z chvorym sadyzmam. Na jaje ciele 111 traŭmaŭ, pierad śmierciu jon zhvałciŭ Vieru, a zatym zadušyŭ šnurom ad prasa», — paviedamiła pravaabaronca Viera Papova.
U červieni Papova pisała, što Kanius, miarkujučy z usiaho, vyzvaleny z kałonii i ŭdzielničaje ŭ bajavych dziejańniach va Ukrainie. Baćki zabitaj ubačyli ŭ sacsietkach fatahrafiju Kaniusa ŭ kamuflažnaj formie i sa zbrojaj u rukach. U vieraśni pravaabaronca paviedamlała, što Kanius užo viarnuŭsia z frontu i znachodzicca na voli.
«Majo dzicia, prabačcie, hnije ŭ ziamli. Ja pazbaŭlenaja žyćcia. Heta plavok u moj adras, u adras tych maci, u jakich [dziaciej] sapraŭdy hetak ža žorstka zabili. Nas vielmi šmat pa ŭsioj krainie, my nie viedajem, što rabić. Naš tavaryš jašče, moža, i vajuje, a ŭ niekatorych maci zabojcy ŭžo na voli, i jany bačać ich. Jak z hetym žyć?»— raspaviała maci dziaŭčyny, Aksana Piechcieleva.
U lipieni minułaha hoda sud u Kiemieravie prysudziŭ Kaniusa da 17 hadoŭ kałonii za zabojstva z asablivaj žorstkaściu jaho byłoj dziaŭčyny Viery Piechcielevaj. Taja pryjechała da jaho zabrać rečy paśla rasstavańnia, i jon niekalki hadzin źbivaŭ jaje. Susiedzi čuli kryki z kvatery, jany telefanavali ŭ palicyju jak minimum siem razoŭ. Im adkazvali, što vyklik pryniaty i narad adpraŭleny, ale za try ź lišnim hadziny nichto nie pryjechaŭ.
10 lipienia sud prysudziŭ piaciarych supracoŭnikaŭ miascovaha MUS da terminaŭ ad 1,5 hoda da dvuch hadoŭ umoŭna pa spravie ab zabojstvie Piechcielevaj.
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku15
Kamientary
Voobŝie - ta jeŝie ruletka.
Jeśli vieriť prihožinu, odin iz piati primierno etich džientlmienov dožił do pomiłovanija.