Сузаснавальніца «Свабоднага тэатра» Наталля Каляда атрымала Ордэн Брытанскай імперыі
Цырымонія ўручэння прайшла ў Букінгемскім палацы 2 лістапада. Узнагароду ўручылі за ўклад у развіццё праекта.
«Людзі, якіх пасвячаюць у Ордэн Брытанскай імперыі, адзначаюцца за выдатныя заслугі, асабістую адвагу, іх службу Вялікабрытаніі і дзейнасці па свеце. Спісы публікуюцца двойчы за год: на Новы год і Дзень нараджэння манарха. Узнагароджанне непасрэдна медалём рознай вартасці адбываецца ў іншую дату — у Букінгемскім палацы або ў Віндзарскім замку.
Наталля Каляда і Мікалай Халезін былі намінаваныя на ўзнагароду пры жыцці Яе Вялікасці Каралевы Лізаветы II — гэта быў апошні спіс прэтэндэнтаў на ўзнагароду, пададзены на яе разгляд. Пасля смерці Каралевы яе сын стаў каралём Карлам ІІІ і зацвердзіў узнагароджанне. Гэтае ўзнагароджанне — першае, падпісанае ім», — напісаў у сваім тэлеграме Мікалай Халезін.
У сярэдзіне верасня «Свабодны тэатр» паставіў ў лонданскім тэатры «Барбікан» «Дзікае паляванне караля Стаха».
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары