У панядзелак у Парыжы прайшла 67-я цырымонія ўручэння футбольнай прэміі «Залаты мяч — 2023». Прэмія заснавана выданнем France Football.
Восьмы раз узнагароду заваяваў форвард на сёння «Інтэр Маямі» і капітан зборнай Аргенціны Ліянель Месі.
Ён у снежні 2022 года прывёў зборную Аргенціны да залатых медалёў чэмпіянату свету.
Гэта восьмы «Залаты мяч» футбаліста: 2009, 2010, 2011, 2012, 2015, 2019, 2021, 2023. У Крышціяну Раналду — пяць узнагарод.
Галоўным канкурэнтам Месі называлі форварда «Манчэстэр Сіці» і зборнай Нарвегіі Эрлінга Холана, які забіў за год ва ўсіх турнірах 56 мячоў, ён прызнаны найлепшым форвардам года.
А «Манчэстэр Сіці», які выйграў трэбл (англійскую прэм'ер-лігу, Кубак Англіі і Лігу чэмпіёнаў), стаў найлепшай камандай года.
Гулец зборнай Аргенціны і «Астан Вілы» Эмільяна Марцінес названы найлепшым галкіперам, паўабаронца «Рэала» і зборнай Англіі Джуд Белінгем названы найлепшым маладым футбалістам года.
Форвард «Рэала» і зборнай Бразіліі Вінісіус атрымаў узнагароду за дабрачыннасць.
Айтана Банмаці з «Барселоны» — уладальніца «Залатога мяча» ў жанчын.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары