У Казахстане перасталі прадаваць квіткі на канцэрты комікаў, якія з'ездзілі на Данбас
У Казахстане перасталі прадаваць квіткі на выступленні папулярнай каманды Клуба вясёлых і знаходлівых «Камызякі». Раней яе ўдзельнікі, комікі Азамат Мусагаліеў і Дзяніс Дорахаў, выступілі на канцэрце да «Дня вызвалення Данбаса» на мемарыяльным комплексе «Савур-Магіла».
Сваё канцэртнае турнэ па Казахстане «Камызякі» павінны былі пачаць выступам у Алматы 5 кастрычніка, на 7-8 кастрычніка мерапрыемствы былі запланаваныя ў сталіцы рэспублікі Астане, а заключным мусіў стаць канцэрт у горадзе Шымкенце 9 кастрычніка.
Аднак 8 верасня ў Казахстане стала вядома, што ўдзельнікі каманды Мусагаліеў і Дорахаў выступілі на зладжаным расійскімі акупантамі канцэрце каля мемарыяла «Савур-Магіла» на Данбасе. Тады комікі заявілі, што пабывалі там упершыню, што яны «вельмі ўражаныя, а месца кранае душу». Азамат Мусагаліеў пажадаў усім «мірнага неба, здароўя і ўсмешак».
Пасля гэтага ў казахстанскім сегменце інтэрнэту карыстальнікі сталі заклікаць адмяніць выступы артыстаў у краіне, а таксама пісалі словы абурэння на старонках Мусагаліева і Дорахава.
У выніку квіткі на канцэрты комікаў перасталі прадаваць усе даступныя ў краіне платформы.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары