«Калі ў вас база тых, хто мае ДНЖ, то нашто вам прасіць пра самаданос?»
Праваабаронца і сузаснавальнік фонду BYSOL Андрэй Стрыжак пракаментаваў заяву МУС, што там валодаюць інфармацыяй пра людзей з замежным грамадзянствам або дазволам на жыхарства.
«Лукашэнкаўскі Дэпартамент міграцыі заявіў, што нібыта ведае, хто атрымлівае ДНЖ і іншаземнае грамадзянства. І калі людзі самі на сябе не данясуць, то будуць пакараныя, нават нягледзячы на тое, што пакарання за такія дзеянні няма. Пакуль.
Абсалютна не сябруе спадар Бягун, кіраўнік дэпартамента, з фармальнай логікай — калі ж у вас ёсць база тых, хто мае ДНЖ і грамадзянства, то навошта людзей прасіць зрабіць самаданос? У вас жа і так ёсць усе даныя. Нестыковачка», — адзначыў Стрыжак.
Сёння начальнік Дэпартамента грамадзянства і міграцыі МУС Аляксей Бягун нагадаў, што 11 ліпеня ўступілі ў сілу змены і дапаўненні ў закон «Аб грамадзянстве» і што неабходна інфармаваць адпаведныя органы аб атрыманні ДНЖ і іншых замежных дакументаў.
Цяпер чытаюць
Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам29
Каментары
1) Базы даных сапраўды ёсьць, няхай і няпоўныя - бо яны пры праверцы дакументаў на мяжы спраўджваюць і нават капіююць візы/ВНЖ/пашпарты - дакументы, якія дазваляюць уезд у іншую краіну.
2) Нашто яны так робяць? Дый проста каб падлавіць людзей на “непаведамленьні інфармацыі запатрабаванай законам”, каб стварыць яшчэ адну фармальную падставу для пакараньняў.