«Трэба не пагружацца ў культуру і гісторыю носьбітаў мовы». Намеснік міністра адукацыі расказаў, як ідэйна правільна вывучаць замежныя мовы
У беларускіх школах пры вывучэнні замежнай мовы больш не будуць рабіць пагружэння ў асяроддзе, заявіў намеснік міністра адукацыі Беларусі Аляксандр Кадлубай у эфіры дзяржтэлеканала СТБ.
«У нас на працягу лета працавала маніторынгавая група Міністэрства адукацыі ва ўстановах адукацыі ўсёй краіны. І хачу вам сказаць, што на 2 865 устаноў, якія сёння функцыянаваць пачынаюць, адносна гісторыі, геаграфіі, адносна гэтых кабінетаў, ім была нададзена пільная ўвага.
І скажу так, адзінкі на 2 865, так, паказвалася пра тое, што дзесьці па-старому дамінуе брытанскі сцяг над беларускім у кабінеце замежнай мовы. Калісьці гэта ўсё рабілася, выбудоўвалася. Там двух'ярусны аўтобус, тэлефонная будка брытанская, пагружэнне ў асяроддзе і ўсё астатняе. Гэта ўсё выпраўляецца», — паведаміў ён.
Паводле чыноўніка, у міністэрстве ўжо дамовіліся з выкладчыкамі, як вывучаць замежныя мовы ў беларускіх школах далей.
«Тады ж у замежнай мове, мы ўжо дамовіліся, вызначыліся з выкладчыкамі, трэба не вывучаць і пагружацца ў культуру і гісторыю носьбітаў мовы, а ведаць сваю культуру і гісторыю на замежнай мове, у гэтым няма нічога дрэннага, наадварот, карысна», — дадаў ён.
Чытайце таксама:
Чым вядомы намеснік міністра адукацыі, які даў ашаламляльны адказ пра «фамілію» ў атэстатах
Намеснік міністра адукацыі: Вялікая Айчынная вайна будзе ў кожным экзаменацыйным білеце па гісторыі
Намеснік міністра адукацыі: Вялікая Айчынная вайна будзе ў кожным экзаменацыйным білеце па гісторыі
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары