«Treba nie pahružacca ŭ kulturu i historyju nośbitaŭ movy». Namieśnik ministra adukacyi raskazaŭ, jak idejna pravilna vyvučać zamiežnyja movy
U biełaruskich škołach pry vyvučeńni zamiežnaj movy bolš nie buduć rabić pahružeńnia ŭ asiarodździe, zajaviŭ namieśnik ministra adukacyi Biełarusi Alaksandr Kadłubaj u efiry dziaržtelekanała STB.
«U nas na praciahu leta pracavała manitorynhavaja hrupa Ministerstva adukacyi va ŭstanovach adukacyi ŭsioj krainy. I chaču vam skazać, što na 2 865 ustanoŭ, jakija siońnia funkcyjanavać pačynajuć, adnosna historyi, hieahrafii, adnosna hetych kabinietaŭ, im była nadadziena pilnaja ŭvaha.
I skažu tak, adzinki na 2 865, tak, pakazvałasia pra toje, što dzieści pa-staromu daminuje brytanski ściah nad biełaruskim u kabiniecie zamiežnaj movy. Kaliści heta ŭsio rabiłasia, vybudoŭvałasia. Tam dvuchjarusny aŭtobus, telefonnaja budka brytanskaja, pahružeńnie ŭ asiarodździe i ŭsio astatniaje. Heta ŭsio vypraŭlajecca», — paviedamiŭ jon.
Pavodle čynoŭnika, u ministerstvie ŭžo damovilisia z vykładčykami, jak vyvučać zamiežnyja movy ŭ biełaruskich škołach dalej.
«Tady ž u zamiežnaj movie, my ŭžo damovilisia, vyznačylisia z vykładčykami, treba nie vyvučać i pahružacca ŭ kulturu i historyju nośbitaŭ movy, a viedać svaju kulturu i historyju na zamiežnaj movie, u hetym niama ničoha drennaha, naadvarot, karysna», — dadaŭ jon.
Čytajcie taksama:
Čym viadomy namieśnik ministra adukacyi, jaki daŭ ašałamlalny adkaz pra «familiju» ŭ atestatach
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary