Namieśnik ministra adukacyi: Vialikaja Ajčynnaja vajna budzie ŭ kožnym ekzamienacyjnym bilecie pa historyi
U pracesie vyvučeńnia historyi Biełarusi ŭ škołach budzie zrobleny jašče bolšy akcent na pieryjad Vialikaj Ajčynnaj vajny. Pytańni pra vajnu ŭviaduć u kožny bilet na ispytach, a kab da ich padrychtavacca, školnikam pryjdziecca naviedvać śpiecyjalny fakultatyŭ. Pra heta raskazaŭ u paniadziełak uviečary namieśnik ministra adukacyi Alaksandr Kadłubaj u efiry prahramy «Po suŝiestvu» na STB.
«U nas jość kurs vielmi dobry, u 2004 hodzie raspracavany, «Vialikaja Ajčynnaja vajna savieckaha naroda ŭ kantekście Druhoj suśvietnaj vajny», jon vielmi padrabiazny, i kaliści, na žal, ad jaho adyšli, — skazaŭ čynoŭnik. — My ciapier viartajemsia ŭ ramkach fakultatyva, ale fakultatyŭ — heta vybraŭ ci nie vybraŭ.
Tamu dla padrychtoŭki da ekzamienaŭ vučniam budzie rekamiendavana vybrać hety kurs,
bo pry vykanańni ekzamienacyjnaha bileta i padrychtoŭcy tam abaviazkova budzie pytańnie — my prapracoŭvajem heta — pra Vialikuju Ajčynnuju vajnu. Heta značyć, u nas 20 biletaŭ — druhim pytańniem Vialikaja Ajčynnaja vajna.
Dla taho, kab školniku padrychtavacca, a piedahohu padrychtavać, u 9-m kłasie hety kurs budzie vybiracca ŭsimi školnikami», — dadaŭ namieśnik ministra.
Prysutnyja ŭ aŭdytoryi adznačyli, što bolš uvahi Vialikaj Ajčynnaj vajnie ciapier, na fonie vajny va Ukrainie, treba nadavać, bo, maŭlaŭ, «źmianiŭsia čas» i «treba rychtavać patryjotaŭ».
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary