Свет11

Нуланд наведала Нігер. ЗША хочуць пазбегнуць «вагнерызацыі» краіны

Выканаўца абавязкаў намесніка дзяржсакратара ЗША Вікторыя Нуланд наведала Нігер і сустрэлася з вайскоўцамі, якія раней адхілілі прэзідэнта ад улады. У сустрэчы з самім зрынутым прэзідэнтам, а таксама лідарам перавароту ёй адмовілі, піша BBC.

Выканаўца абавязкаў намесніка дзяржсакратара ЗША Вікторыя Нуланд. Фота: Chip Somodevilla / Getty Images

Нуланд расказала журналістам, што сустрэча працягвалася больш за дзве гадзіны, аднак дабіцца поспеху і пераканаць мяцежнікаў скончыць пераварот пакуль не ўдалося.

«Гэтыя гутаркі былі надзвычай адкрытымі і часам даволі складанымі, — сказала яна. — Гэта была першая размова, у якой ЗША прапаноўвалі свае добрыя паслугі, калі ў людзей, адказных за [пераварот], ёсць жаданне вярнуцца да канстытуцыйнага парадку».

Паводле слоў Нуланд, яна сустрэлася з брыгадным генералам Мусой Салау Барму, які быў прызначаны новым начальнікам вайсковага штаба, і іншымі лідарамі перавароту, аднак просьбы аб сустрэчы з кіраўніком прэзідэнцкай гвардыі Абдурахманам Чыяні, які абвясціў сябе новым лідарам краіны, і зрынутым прэзідэнтам Махамедам Базумам засталіся без адказу.

Нуланд сказала, што паказала вайскоўцам некалькі варыянтаў магчымых дзеянняў, а таксама дакладна пазначыла наступствы для адносін з ЗША, калі Нігер не адновіць Базума на пасадзе або пойдзе па шляху суседняй Малі, супрацоўнічаючы з расійскімі наймітамі з ПВК «Вагнер».

«Я спадзяюся, што яны будуць трымаць дзверы адчыненымі для дыпламатыі. Мы зрабілі такую ​​прапанову. Пабачым, — сказала яна. — Людзі, якія распачалі гэтыя дзеянні тут, выдатна разумеюць, якую рызыку для іх суверэнітэту ўяўляе запрашэнне «Вагнера».

ЗША былі ў ліку краін, якія асудзілі захоп улады вайскоўцамі ў Нігеры.

У краіне, як паведамляў Белы дом, знаходзіцца каля тысячы амерыканскіх вайскоўцаў, якія дапамагалі звергнутаму прэзідэнту змагацца з паўстанцамі і выконвалі іншыя задачы.

Паводле даных Пентагона, выводзіць іх з краіны пакуль не плануецца, аднак частка дзейнасці пасля перавароту была згорнутая.

Эканамічная супольнасць заходнеафрыканскіх дзяржаў на мінулым тыдні абвясціла ўльтыматум кіраўнікам мяцяжу, прыстрашыўшы прымяніць сілу, калі зрынуты прэзідэнт Махамед Базум не будзе адноўлены на пасадзе да вечара нядзелі.

Вайскоўцы гэты ўльтыматум праігнаравалі, але закрылі паветраную прастору краіны, баючыся інтэрвенцыі з суседніх краін.

І ЗША, і Еўрасаюз раней заяўлялі, што шанец на аднаўленне дэмакратычна абранага ўрада Нігера па-ранейшаму застаецца. 

«Той факт, што ў Нігер адправілася менавіта Нуланд, сведчыць аб тым, што адміністрацыя Байдэна ўспрымае падзеі ў афрыканскай краіне скрозь прызму вайны ва Украіне, імкнецца прадухіліць «вагнерызацыю» Нігера і не жадае вялікай вайны ў Афрыцы», — пракаментаваў візіт гісторык Аляксандр Фрыдман.

Каментары1

  • Нигер
    08.08.2023
    Стапэ - гэтаж хунта!!!! А дземакрация? А брат Макрон, для якона гэта новы плявок з боку саюзничка? Не разумею...

Цяпер чытаюць

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Усе навіны →
Усе навіны

На мяжы Беларусі і Украіны праходзіць найбуйнейшы абмен палоннымі ў фармаце 1000х10007

«Мы ўсе рускія». Дэпутат Дзяржаўнай думы заявіў, што мэта вайны — стварыць адзіную дзяржаву Расіі, Беларусі і Украіны25

На пажары ў Камянецкім раёне загінулі двое дзяцей

У Расіі мама папрасіла знаёмага ўтапіць сваю 12-гадовую дачку, бо тая кепска сябе паводзіла1

«Мы ўсе гасударавы людзі». Каранік на развітанне заявіў пра сваю вернападданасць14

Схемы, па якіх дзейнічае ГБ. Выйшла расследаванне пра піцерскіх сексотаў ФСБ

Памёр 19-гадовы мінскі міліцыянер16

«Шмону ўжо няма»: як цяпер правяраюць беларусаў на мяжы з Літвой

У самым сэрцы Варшавы пачала сваю працу беларуская крама Vyraj1

больш чытаных навін
больш лайканых навін

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Галоўнае
Усе навіны →

Заўвага:

 

 

 

 

Закрыць Паведаміць