Грошы, сабраныя на марафоне салідарнасці з палітвязнямі, падзеляць на два траншы
4 жніўня прайшло першае пасяджэнне назіральнай рады марафону салідарнасці з палітвязнямі. На ім рада заслухала выступленні 13-ці арганізацый і ініцыятыў, якія дапамагаюць палітвязням і іх сем'ям.
Падчас пасяджэння было вырашана крыху перагледзець ранейшую схему выдаткоўвання сабраных грошай. Гэта звязана з тым, што сабраная сума значна перавысіла ад пачатку запланаваную. У выніку, як вядома, на дапамогу палітвязням сабралі каля 576 тысяч еўра, а планавалася толькі 200 тысяч.
Дзеля таго арганізацыі паведамілі, што выдаткаваць такую суму за два месяцы яны не гатовыя. Па-першае, у іх абмежаваная колькасць супрацоўнікаў і валанцёраў, а па-другое, падтрымка робіцца не проста так, а на падставе запытаў, якія паступаюць у арганізацыі.
Таму вырашана падзяліць суму на два траншы.
Першы транш будзе перададзены найбліжэйшым часам, і адносна яго размеркавання арганізацыі дадуць справаздачу праз два месяцы. Рэшта сродкаў будзе выдаткаваная пазней.
З-за спецыфікі дапамогі палітвязням сабраныя грошы немагчыма падзяліць у роўных прапорцыях паміж усімі, адзначылі ініцыятывы, якім трэба будзе размяркоўваць сродкі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню50
Каментары