У Таганрогу Растоўскай вобласці сёння прагрымеў выбух. Каля кавярні «Чэхаў двор» у двары гістарычнага будынка дзяржбанка, як паведамлялася, выбухнула ракета. Цяпер з'явілася і відэа гэтага моманту.
Як раней паведамлялася, на месцы выбуху ўтварылася варонка глыбінёй некалькі метраў. Побач з ёй былі выяўленыя абломкі і паражальныя элементы, характэрныя для ракет сістэм С-200 або С-300.
У расійскім вайсковым ведамстве сцвярджалі, што ракету нібыта запусцілі Узброеныя сілы Украіны, а ўдар быў нанесены зенітнай ракетай комплексу СПА С-200, пераабсталяванай у атакуючы варыянт. Ракета нібыта была збітая сістэмамі СПА, а на зямлю ўпалі яе абломкі.
Ад выбуху пацярпелі прынамсі 14 чалавек, семярых з іх шпіталізавалі, паведаміла расійскае Міністэрства аховы здароўя. Эпіцэнтр выбуху прыйшоўся на тэрыторыю Таганрогскага мастацкага музея. Пасля гэтага ў Таганрогу ўвялі рэжым надзвычайнага становішча, у цэнтры горада перакрылі рух транспарту.
Яшчэ адна ракета С-200 была, паводле расійскага Мінабароны, збітая комплексамі супрацьпаветранай абароны ў Азоўскім раёне Растоўскай вобласці. Паводле версіі ведамства, яе абломкі ўпалі ў бязлюднай мясцовасці.
Цяпер чытаюць
Дэлегатка КР Карпушонак пасля маўчання апублікавала відэа14
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары