«Пакайся, ты не Дон Кіхот». Бацьку былога палітвязня выклікалі на размову ў КДБ, і ён пасля таго вельмі змяніўся
Магілёўца Станіслава Паўлінковіча ў кастрычніку 2020 года асудзілі на тры гады «хіміі» за абразу суддзі. Пасля яго перазатрымалі і накіравалі адбываць тэрмін у калонію. Цалкам адбыўшы тэрмін, мужчына вызваліўся, з'ехаў за мяжу і дае шмат інтэрв’ю, у якіх распавядае пра рэпрэсіі беларускіх улад і жудасныя ўмовы ў зняволенні. За гэта яго бацьку выклікалі на размову супрацоўнікі КДБ, расказаў хлопец «Вясне».
«Некалькі тыдняў таму майму бацьку патэлефанавалі і выклікалі на размову ў магілёўскі КДБ. Ім не спадабалася маё інтэрв’ю «Радыё Свабода». Бацька пагадзіўся. У кабінеце знаходзілася тры кадэбэшнікі. Яны сказалі, што я магу ў інтэрв’ю крытыкаваць чыноўнікаў ці міліцыянтаў, але ні ў якім разе нічога не павінен казаць пра Лукашэнку».
Увага супрацоўнікаў КДБ да бацькі не была нечаканасцю, як кажа Станіслаў, бо ён ведае ранейшыя выпадкі, калі сілавікі ціснулі на сваякоў, не згодных з уладамі беларусаў за мяжой.
У мужчыны былі нават думкі, што яго бацьку маглі завербаваць:
«Думаю, бацька распавёў мне не ўсю размову ў КДБ. Выглядае, што яго там вельмі моцна запужалі. Не здзіўлюся, калі яго там завербавалі. Калі ён дасылаў лісты ў калонію, адчувалася штосьці падобнае. Ён пісаў мне: «Пакайся, ты не Дон Кіхот. Тое, што цяпер у Беларусі — гэта назаўсёды». А таксама заклікаў напісаць прашэнне аб памілаванні на імя Лукашэнкі».
Таксама бацьку Станіслава пагражалі і падчас зняволення мужчыны.
«Калі я сядзеў у ШІЗА, бацька ездзіў у Барысаў забіраць мой тэлефон, канфіскаваны кадэбэшнікамі падчас майго затрымання на «хіміі». Там яму сказалі, што па вызваленні я павінен запісаць відэазварот, што я бяру на сябе абавязанні больш ніколі не выступаць супраць улады. У адваротным выпадку супрацоўнікі пагражалі завітаць да бацькоў «у госці». Вядома, я ніякіх відэазваротаў не запісваў», — кажа ён
Мужчына не перарывае стасункаў з бацькам, але гэта яму даецца вельмі цяжка.
«Раней бацька цалкам быў за мяне. Я не ведаю, што з ім здарылася, але за час майго зняволення ён вельмі змяніўся. Стаў падтрымліваць лукашэнкаўскую ўладу, вайну ва Украіне і верыць прапагандзе. Мне вельмі цяжка з ім гутарыць, і я не ведаю, як зараз гэта рабіць. Таму ў пэўны час я прыняў рашэнне ўвогуле не абмяркоўваць з ім ніякіх навін», — падсумоўвае Станіслаў.
Чытайце таксама:
Былы палітвязень расказаў, як зняволены «адрэзаў галаву» іншаму. Забіты ладзіў правакацыі
Цяпер чытаюць
«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй4
Каментары
Эти служки диктатора думают о детях ,родителях своих,что с ними будет после того как их расстреляют?
Нават Бондарава змоўкла ў сваіх наездах на прадстаўнікоў акупацыйнац адміністрацыі. Нават у турму пасадзілі ў свой час ідэалягічна блізкіх заходнерусістаў.